შავი ზღვის საერთაშორისო ფოლკლორის ფესტივალი 2 სექტემბერს დაიხურება

შავი ზღვის საერთაშორისო ფოლკლორის ფესტივალი 2 სექტემბერს დაიხურება

ამ წუთებში შეკვეთილში მდებარე „ბლექ სი არენაზე“ შავი ზღვის საერთაშორისო ფოლკლორის ფესტივალის პრესკონფერენცია მიმდინარეობს. შეგახსენებთ, რომ მუსიკალური ღონისძიება, რომელიც წელს უკვე მეორედ ტარდება, ხვალ, 2 სექტემბერს, დასკვნითი საღამოთი სწორედ „ბლექ სი არენაზე“ დაიხურება.

ფოლკლორის სახელმწიფო ცენტრის დირექტორი გიორგი დონაძე, „ბლექ სი არენა ჯორჯიას“ დირექტორი ანა კავლელიშვილი, გურიაში სახელმწიფო რწმუნებული-გუბერნატორი მერაბ ჭანუყვაძე და ესპანელი ფოლკლორისტი პოლო ვალეხო ფესტივალის მნიშვნელობაზე, მონაწილე ქვეყნებსა და ფოლკლორულ ჯგუფებზე, გალაკონცერტის დეტალებსა  და მოსალოდნელ შედეგებზე საუბრობენ.

შავი ზღვის ფოლკლორის საერთაშორისო ფესტივალი ტრადიციულად  შავიზღვისპირეთში ტარდება და  წელს, გურიასთან ერთად,  აჭარაც მასპინძლობს. ფესტივალმა სტარტი გუშინ, ბათუმის საზაფხულო თეატრში აიღო.

ფესტივალის ფარგლებში კონცერტები ასევე გაგრძელდება დღეს, 1-ელ სექტემბერს, 17:00 საათზე ურეკის კულტურის სახლში. კონცერტში, რომელიც ყველა დაინტერესებული პირისთვის უფასოა,  მონაწილეობენ ქართული ფოლკლორული ჯგუფები: „შემოქმედი“, „რეხეული“, „ამაღლება“, „ადილეი“, „ძირიანი“, „შილდა“, ასევე ფესტივალში მონაწილე შემსრულებლები უკრაინიდან, სომხეთიდან, პოლონეთიდან, იტალიიდან და  თურქეთიდან.

ამავე დღეს, დაგეგმილია რეპეტიციები „Black Sea Arena“-ს სცენაზე, სადაც ყველა მონაწილე საკუთარ ნომერს შეასრულებს  ხმის და  კონცერტის რეჟისორთან ერთად. ფესტივალი 2 სექტემბერს,  გრანდიოზული გალაკონცერტით Black Sea Arena-ზე დასრულდება.  მნიშვნელოვანია, რომ გალაკონცერტზე დასასწრები ბილეთის ღირებულება 5 ლარიდან იწყება.

ცეცხლოვან შოუს ესპანელები გვპირდებიან – ფლამენკოს შემსრულებელი ჯგუფი „La Moneta &  Flamenco“ სპეციალური სტუმრის სტატუსით ფესტივალის გალაკონცერტზე, 2 სექტემბერს წარდგება მაყურებლის წინაშე.  მათ შეუერთდებიან საუკეთესო ფოლკლორული გუნდები პოლონეთიდან, უკრაინიდან, სომხეთიდან, თურქეთიდან და იტალიიდან. საქართველოს კი ანსამბლები „რუსთავი“ და „ბასიანი“ წარმოადგენენ.

 

წელს ფესტივალი სამი დღის განმავლობაში გრძელდება და 7 ქვეყანას მასპინძლობს. მაყურებლის წინაშე ესპანეთის, იტალიის, პოლონეთის, უკრაინის, სომხეთის, თურქეთისა და საქართველოს ფოლკლორული ანსამბლები წარსდგებიან და თავიანთი ქვეყნის უნიკალურ ხალხურ ტრადიციებს, სიმღერითა და ცეკვით წარმოადგენენ.  როგორც ორგანიზატორები აღნიშნავენ,  ფესტივალს დიპლომატიური კორპუსი ოფიციალურ მხარდაჭერას უცხადებს და მის წარმატებულად ჩატარებაში დიდი წვლილი შეაქვს იტალიის, თურქეთი, პოლონეთისა  და უკრაინის საელჩოებს. მათივე ძალისხმევითა და მხარდაჭერით გაიზარდა მონაწილე ფოლკლორული ანსამბლების რაოდენობაც.

ფესტივალი, რომლის ავტორი და ორგანიზატორი ფოლკლორის სახელმწიფო ცენტრია,  „Black Sea Arena“-ს,  „Check in Georgia“-ს, კულტურის სამინისტროსა და ოზურგეთის მუნიციპალიტეტის მხარდაჭერით იმართება.

სიახლეები/

|

September 1, 2017 / 3:24 pm

TOP სიახლეები

ანრი ჯოხაძის „ცივი ნოემბერი“ – მომღერლის ახალი კლიპის პრემიერა

ანრი ჯოხაძის ახალ სიმღერაზე „ცივი ნოემბერი“ კლიპის პრემიერა 13 ნოემბერს კინო „ამირანში“ შედგა. ვიდეორგოლი სიმღერაზე, რომლის მელოდიაც თავად დაწერა, ნიკა ჩერქეზიშვილის ლექსზე, თვითონვე გადაიღო, როგორც ყოველთვის. ანრის ახალი ვიდეოს პრემიერას შოუბიზნესის და მედიის წარმომადგენლები ესწრებოდნენ. კლიპში ძალიან ლამაზი კადრები შევიდა, რომელმაც მაყურებლის აღფრთოვანება გამოიწვია. ანრი ჯოხაძე: მე ძალიან სუბიექტური ვარ ამ სიმღერის მიმართ. როცა ნიკა […]

როგორი საქორწილო ტორტი ჰქონდათ ბერას და ნანუკას (ფოტოები)

ბერა ივანიშვილისა და ნანუკა გუდავაძის გრანდიოზული ქორწილი „ბიოლიში“ ბოლო დღეების სასაუბრო თემაა. ახალგაზრდების ბედნიერების დღე ძალიან ლამაზ გარემოში შედგა, ყვავილებით დახუნძლულ სივრცეში, სადაც ყველაფერი სტუმრებისა და ნეფე-პატარძლის საუკეთესო დროის გასატარებლად იყო მოწყობილი. ბერამ და ნანუკამ სოციალურ ქსელში ქორწილში გადაღებული პროფესიონალური ფოტოები გამოაქვეყნეს, სადაც შესანიშნავად გამოიყურებიან, ეროვნულ სამოსში გამოწყობილები. Liu Studio-ს მიერ გამოქვეყნებულ რამდენიმე ფოტოს შორის […]

საბა კემულარიამ საცოლეს ხელი სიმღერით სთხოვა (ვიდეო)

საბა კემულარია დაინიშნა, მისი რჩეული კესო გაფრინდაშვილია. ისინი ბოლო პერიოდია შეყვარებულები არიან და როგორც ჩანს, ურთიერთობისთვის ოფიციალური სახის მიცემა გადაწყვიტეს. ერთ-ერთ რესტორანში საბა სცენაზე მეგობრებთან ერთად ავიდა, ჯერ სიმღერა შეასრულა, შემდეგ კი სცენა დატოვა და თავისი რჩეულისკენ გაემართა, რომელიც დარბაზში იჯდა. მან დაიჩოქა და საცოლეს ბეჭედი მიართვა. მათი ბედნიერება დარბაზში მსხდომმა ყველა ადამიანმა გაიზიარა და […]

Facebook

რეკლამა

მსგავსი სიახლეები

მსოფლიო საჭადრაკო ოლიმპიადის გახსნა „ბლექ სი არენაზე“ – სანახობა, რომელმაც გულგრილი არავინ დატოვა

43-ე მსოფლიო საჭადრაკო ოლიმპიადის გახსნა საქართველოში შეკვეთილში მდებარე „ბლექ სი არენაზე“ 23 სექტემბერს გაიმართა. მას 180-ზე მეტი ქვეყნიდან 4000 დელეგატი ესწრებოდა, ქართველ მაყურებელთან ერთად. საზეიმო გახსნა „პირველი არხის“ პირდაპირ ეთერში გადაიცემოდა. საჭადრაკო ოლიმპიადის გახსნა ქვეყნისთვის მნიშვნელოვანი მოვლენა გახლდათ და მისი მაღალ დონეზე ჩატარება ორგანიზატორების უპირველესი მიზანი იყო. გახსნისთვის მზადება დიდი ხნით ადრე დაიწყო. ღონისძიების ორგანიზატორები […]

განახლებული “ჩხიკვთა ქორწილი” “ბლექ სი არენაზე” ანშლაგით გაიმართა

წარმოდგენის დილას, 28 აგვისტოს, საიტზე, სადაც განახლებული “ჩხიკვთა ქორწილის” ბილეთები იყიდებოდა, არც ერთი ბილეთი აღარ იყო დარჩენილი. ანსამბლ “ივერიისგან”, რომელიც წელს 50 წლის გახდა, ანშლაგები არავის უკვირს, თუმცა რამდენიმეათასიანი არენის შევსება თავად მისი ხელმძღვანელობისთვისაც საამაყო აღმოჩნდა. ცნობილი მიუზიკლი არენის სცენაზე პირველად დაიდგა. განახლებული შეფუთვით, კოსტიუმებითა და რაც მთავარია, ძველ ივერიელებთან ერთად, ახალი მონაწილეებით. მთავარ, ქეთევანის […]

მსოფლიო ლეგენდების კონცერტებს „ბლექ სი არენაზე“ დაახლოებით 35 000 ადამიანი დაესწრო

საქართველოს კულტურის მინისტრის მრჩევლის, კახა კანდელაკის ინფორმაციით, მაისი-ივლისის პერიოდში, „ბლექ სი არენაზე“ ჩატარებულ კონცერტებს ჯამში დაახლოებით 35 000 ადამიანი ადამიანი დაესწრო. როგორც კახა წერს საკუთარი „ფეისბუქის“ გვერდზე: „LEGENDS in GEORGIA 2018: 35 000 ადამიანზე მეტი დაესწრო კონცერტებს, მაისი-ივლისის პერიოდში გურიაში;)“ საუბარია მსოფლიო ლეგენდების კონცერტებზე. შეგახსენებთ, რომ „ჩექ ინ ჯორჯიას“ ფარგლებში, 19 მაისს, „ბლექ სი არენას“ […]

„ბლექ სი არენაზე“ ანსამბლი „ივერია“ განახლებულ „ჩხიკვთა ქორწილს“ წარმოგიდგენთ

28 აგვისტოს, „Check In Georgia“-ს ფარგლებში, „ბლექ სი არენაზე“, შემოქმედებითი გაერთიანება „ლომისი“ და ანსამბლი „ივერია“ წარმოგიდგენთ განახლებულ მიუზიკლს „ჩხიკვთა ქორწილი“. ეს იქნება პირველი შემთხვევა, როდესაც „ბლექ სი არენაზე“ ქართული მიუზიკლი დაიდგმება. „ჩხიკვთა ქორწილი“ უკვე თითქმის 40 წელია, წარმატებით იდგმება და უდიდესი აღიარება მოიპოვა როგორც საქართველოში, ასევე საზღვარგარეთ. მხოლოდ საქართველოში, ალექსანდრე ბასილაიას და ჯემალ ბაღაშვილის ეს […]

21 აგვისტოს „ჩხიკვთა ქორწილის“ პრესკონფერენცია გაიმართება

21 აგვისტოს, 12:00 საათზე, სასტუმრო „იოტაში“ (ლერმონტოვის #10) „ჩხიკვთა ქორწილთან“ დაკავშირებული პრესკონფერენცია გაიმართება. პრესკონფერენციას დაესწრებიან: „ბლექ სი არენას“ დირექტორი, ანი კავლელიშვილი, საქართველოს ტურიზმის ეროვნული ადმინისტრაციის ხელმძღვანელი, გიორგი ჩოგოვაძე, შემოქმედებითი გაერთიანება „ლომისის“ გენერალური დირექტორი, გია ბაღაშვილი და სამხატვრო ხელმძღვანელი, ჯემალ ბაღაშვილი. პრესკონფერენციის თემა: ანსამბლი „ივერია“ წარმოგიდგენთ მიუზიკლის „ჩხიკვთა ქორწილი“ განახლებულ ვერსიას, რომელსაც მაყურებელი 28 აგვისტოს, შეკვეთილში […]

რეკლამა