თბილისში, საბურთალოს რაიონში, ერთ-ერთ ქუჩას ცნობილი მსახიობის, ჯემალ ღაღანიძის სახელი მიენიჭა.
ამის შესახებ მსახიობის შვილიშვილი, სანდრო მიკუჩაძე სოციალურ ქსელში წერს და ბაბუის სახელობის ქუჩიდან ფოტოებს აქვეყნებს:
„ეს დღეც დადგა, „ჯემალ ღაღანიძის“ სახელობის ქუჩა… ეს არის ის მოვლენა, რომელიც მართლაც რომ ეკუთვნოდა არა მარტო ჩემთვის საყვარელ ადამიანს. ძალიან დიდი მადლობა ყველა იმ ადამიანს (არ ჩამოვთვლი) არ მინდა ვინმე გამომრჩეს, ყველა იმ ადამიანს, ვინც მიიღო მონაწილეობა ამ ძალიან კარგ საქმეში“, – წერს სანდრო მიკუჩაძე.