„დედე“ – არაერთი პრესტიჟული ჯილდოს მფლობელი ფილმი ქართულ კინოეკრანებზე გამოდის

„დედე“ – არაერთი პრესტიჟული ჯილდოს მფლობელი ფილმი ქართულ კინოეკრანებზე გამოდის

„დედე“ მარიამ ხაჭვანის სადებიუტო სრულმეტრაჟიანი ფილმია, რომელმაც არაერთი საერთაშორისო ჯილდო მოიპოვა, საქართველოს კინოთეატრებში კი 22 თებერვლიდან გამოდის. 20 თებერვალს კინოთეატრ „ამირანში“ მისი დახურული ჩვენება მედიისთვის შედგა, შემდე კი პრესკონფერენცია გაიმართა.

„დედეს“ მოქმედება სვანეთში, 90-იან წლებში ვითარდება. გეგეს (გიორგი ბაბლუანი) და დინას (ნათია ვიბლიანი) სიყვარულის ამბავს ბედნიერი დასასრული არ უწერია. ტრადიციები, რომლებიც ძირითადად, ქალების ჩაგვრისკენ არის მიმართული, სინამდვილეში, მთელ საზოგადოებას ახვევს თავს ქცევის წესებს და თუკი მათ ვინმე გადაუხვევს, შურისძიებისკენ უბიძგებს, რომელიც ადამიანების მკვლელობით სრულდება.

ამგვარი მახინჯი ტრადიციების ამბავი ქართველი მაყურებლისთვის არახალია, უცხოელი მაყურებლისთვის კი მისი ხილვა ნამდვილად საინტერესო იქნებოდა და ალბათ, ამანაც განაპირობა ფილმის საერთაშორისო წარმატება.

მარიამ ხაჭვანი, რეჟისორი:

ემოციებით ველოდები, გაათმაგებულად, ფილმის პრემიერას საქართველოში. მართალია, უცხოელმა მაყურებელმა უკვე შეაფასა დადებითად, მაგრამ ძალიან ვღელავ, როგორი იქნება ქართველი მაყურებლის რეაქცია. სულ აღვნიშნავ, რომ საქართველოში უფრო მომთხოვნი მაყურებელია და მკაცრი, მაგრამ ვფიქრობ, უმეტესობა დადებითად შეაფასებს, ყველას არ შეიძლება მოეწონოს…

„დედეს“ უკვე აქვს მიღებული ათი საერთაშორისო ჯილდო. არ ველოდებოდი ამას. რამდენიმე თვის წინ შედგა პრემიერა და თვეში ორჯერ გვიწევდა ჯილდოების მიღება. ძალიან ბედნიერი ვარ მიღებული პრიზებით.

რა იქნება თქვენი შემდეგი ფილმის თემა?

ვმუშაობ ახალ სრულმეტრაჟიან ფილმზე, დაახლოებით ერთ კვირაში მივემგზავრები საფრანგეთში, სადაც კანის კინოფესტივალის მნიშვნელოვან  პლატფორმაზე მოვხვდი.  თემა, რა თქმა უნდა, ვიცი, თუმცა ამ ეტაპზე საიდუმლოდ შევინახავ (იღიმის).

გირშელ ჭელიძე, მსახიობი:

ეს ფილმი დიდი ძალისხმევის შედეგია და პირველ რიგში, წარმატება მარიამისა და მთელი შემოქმედებითი ჯგუფის დამსახურებაა. სცენარმა თავიდანვე დამაინტერესა. ლევანის როლი რთული შესასრულებელი იყო, პირველ რიგში, პირობები იყო მძიმე, თავად ნახეთ, რა ამინდში გვიწევდა მუშაობა.

რაც შეეხება თავად ფილმს, ეს არის სიყვარულის ამბავი და ამბავი იმის შესახებ, რომ არასდროს უნდა დახარო თავი და ყოველთვის იბრძოლო.

ნათია ვიბლიანი, მსახიობი:

21 წლის ვარ. „ფეისბუქის“ საშუალებით ამარჩიეს როლზე, სრულიად შემთხვევით. ჩვენს ფილმს ბევრი სირთულე გადახდა, რთული პირობები იყო… მსახიობი არ ვარ, არანაირი შეხება არ მქონია კინოსთან, მაგრამ სვანეთში ვარ გაზრდილი და დაბადებული, ვიცოდი ამ ტრადიციების შესახებ და გათავისებული მქონდა…

გიორგი ბაბლუანი როგორი პარტნიორი იყო?

არაჩვეულებრივი. თავიდან გამიჭირდა პროფესიონალ მსახიობთან შეხება, რადგან პირველად მოვხვდი კინოგადაღებებზე. თვითონ გადაღების პროცესში გიორგი იმდენად უშუალო აღმოჩნდა, რომ აღარ გამჭირვებია.

ელოდებით კრიტიკას?

რა თქმა უნდა. მივიღებ და გავითვალისწინებ შემდეგისთვის, თუმცა არ ვიცი, გავაგრძელებ თუ არა მსახიობობას (იღიმის).

ნინო მურღულია

სიახლეები/

|

February 21, 2018 / 1:59 pm

საკვანძო სიტყვები

TOP სიახლეები

ნანი ბრეგვაძისა და სტეფანეს ახალი კლიპი გამოვიდა (ვიდეო)

ნანი ბრეგვაძისა და სტეფანეს ახალი კლიპი სიმღერაზე „ისევ წვიმს“ (კომპოზიტორი: ვაჟა აზარაშვილი, ვერსია: ნიკოლოზ რაჭველი) გუშინ „ნანუკას შოუში“ აჩვენეს. პრემიერის შემდეგ ვიდეორგოლი სტეფანეს ოფიციალური „იუთუბის“ გევრდზე აიტვირთა. გადაღებები სამი ღის განმავლობაში მიმდინარეობდა, რეჟისორი გახლავთ ზაზა ორაშვილი. კლიპს გუშინ საღამოდან უამრავი გაზიარებ აქვს სოციალურ ქსელში. (ვიდეო)

9 აპრილისთვის „ვაჩუქოთ ერთმანეთს ტიტები“-ს ახალი ვერსია იწერება (ფოტოები)

წელს 9 აპრილის ტრაგედიიდან 30 წელი სრულდება, აღნიშნულ თარიღთან დაკავშირებით “ბრავო რექორდსში” 25 ახალგაზრდა ქართველი მომღერალი ტრაგედიისადმი მიძღვნილი სიმღერის ,,ვაჩუქოთ ერთმანეთს ტიტები” – ახალი ვერსიის ჩაწერაზე მუშაობს. 1989 წელს მორის ფოცხიშვილის ტექსტზე შექმნილი ჯემალ სეფიაშვილის სიმღერას, ქართველი მომღერლები: თამარ გვერდწითელი, ნანი ბრეგვაძე, გოგი დოლიძე, მედეა ძიძიგური, ბუბა კიკაბიძე, ეკა მამალაძე, ეკა კახიანი, ეკა კვალიაშვილი, მერაბ […]

რატი დურგლიშვილი მაკა ზამბახიძესთან ერთად კვლავ იმღერებს (ვიდეო)

რატი დურგლიშვილი და მაკა ზამბახიძე კვლავ გაერთიანდნენ და ამჯერად მაკას სოლოკონცერტზე, „დორსში“, 22 მარტს წარდგებიან მსმენელის წინაშე. დუეტი „ჯორჯია“ არ აღდგა, რადგან სოლომომღერლები ცალ-ცალკე წარმატებით აგრძელებენ კარიერას, თუმცა მაკა ზამბახიძის წინა კონცერტზე ერთად სამი სიმღერა შეასრულეს, ახლა კი მთელ სეტს დაუთმობენ საკუთარ რეპერტუარს ბენდ „ნონსტოპთან“ ერთად. შესრულდება ის კომპოზიციები, რომლებიც „ჯორჯიას“ რეპერტუარიდან ასე ძალიან უყვარს […]

Facebook

რეკლამა

მსგავსი სიახლეები

რატომ ვერ მოხვდა ქართული ფილმი „ოსკარის“ 9 ნომინანტს შორის – მარიამ ხაჭვანი კინოცენტრის წინააღმდეგ

„დედეს“ რეჟისორი, მარიამ ხაჭვანი ფილმის ოფიციალურ გვერდზე წერს, რომ საქართველოდან გაგზავნილ ფილმს „ნამე“ არც ერთი პრიზი არ ჰქონდა, მაშინ, როდესაც მის ფილმს აზიური „ოსკარი“ აქვს მიღებული და უფრო მეტი შანსი ექნებოდა, მოხვედრილიყო შერჩეულ ნომინანტებს შორის. შეგახსენებთ, კინოაკადემიამ უცხოურენოვანი ფილმების ჩამონათვალი გაავრცელა, რომელშიც სულ 9 ნამუშევარი მოხვდა, მათ შორის არ არის „ნამე“, რომელიც საქართველოს სახელით იყო […]

მარიამ ხაჭვანის „დედე“-ს პრემიერა 22 თებერვალს შედგება

მარიამ ხაჭვანის არაერთი პრესტიჟული კინოპრემიის მფლობელი ფილმის „დედე“ პრემიერა 22 თებერვალს, კინო „ამირანში“ გაიმართება. ქართულმა ფილმმა მონაწილეობა მიიღო 20-ზე მეტ საერთაშორისო ფესტივალში, საიდანაც 10 ჯილდო მოიპოვა და დღესაც აგრძელებს „მოგზაურობას“. კინოგაქირავებისთვის „დედე“ კანადამ, აშშ-მ, ესპანეთმა, ჰოლანდიამ და ჩინეთმა შეიძინა. მოგზაურებს კი ფილმის ნახვა „ეარ ფრანსის“ თვითმფრინავებში შეეძლებათ. მიღებული ჯილდოები: ჟიურის გრანპრი- კანის კინოფესტივალი, კინემატოგრაფების 30-ე […]

რეკლამა