“ჩემი ბილეთი ოპერაში” და “სტუდენტური ბილეთები“ – 2 ახალი ინიციატივა ოპერისა და ბალეტის მოყვრულებისთვის

“ჩემი ბილეთი ოპერაში” და “სტუდენტური ბილეთები“ – 2 ახალი ინიციატივა ოპერისა და ბალეტის მოყვრულებისთვის

თბილისის ოპერისა და ბალეტის თეატრში 2 ახალ ინიციატივასთან – “ჩემი ბილეთი ოპერაში“- ახალ პროექტსა და “სტუდენტურ ბილეთებთან“ დაკავშირებით პრესკონფერენცია მოეწყო. პრესკონფერენცია თბილისის სახელმწიფო ოპერისა და ბალეტის თეატრის სამხატვრო ხელმძღვანელმა დავით კინწურაშვილმა და საბალეტო დასის სამხატვრო ხელმძღვანელმა ნინო ანანიაშვილმა გამართეს.

თეატრის სამხატვრო ხელმძღვანელის, დავით კინწურაშვილის ინიციატივით, ოპერაში ამოქმედდა ახალი პროქტი “ჩემი ბილეთი ოპერაში“, რაც გულისხმობს, რომ სეზონზე ერთი ან ორი საოპერო და საბალეტო სპექტაკლის ბილეთები სპეციალური ფასდაკლებით გაიყიდება. პირველი ასეთი სპექტაკლი “ატილა“ იქნება.

სწორედ ამ პროექტის ფარგლებში – “ჩემი ბილეთი ოპერაში“ – 17 მარტს, ქართველი სოლისტების შესრულებით დაგეგმილ “ატილას“ მესამე საპრემიერო ჩვენებაზე დასასწრები ბილეთების ღირებულება 10 ლარიდან დაიწყება და მხოლოდ 25 ლარს მიაღწევს.

ასევე, ოპერაში ამოქმედდა სტუდენტური ბილეთები, რომელიც ქვეყნის ყველა უმაღლესი სასწავლებლის სტუდენტისთვის იქნება ხელმისაწვდომი. მათთვის საოპერო და საბალეტო სპექტაკლებზე დასასწრები ბილეთების ფასი 5 და 7, ხოლო პრემიერაზე 10 ლარი იქნება.

თბილისის ოპერისა და ბალეტის თეატრის ადმინისტრაცია დარწმუნებულია, რომ სტუდენდური ბილეთები კიდევ უფრო მეტად გაზრდის ახალგაზრდების ინტერესს ოპერისა და ბალეტისადმი და ასევე, საშუალებას მისცემს ნებისმიერ მსურველს ისარგებლოს სპეციალური შემოთავაზებით და ჰქონდეს “ჩემი ბილეთი ოპერაში“.

სიახლეები/

|

March 10, 2016 / 11:53 pm

TOP სიახლეები

როკის ცოცხალი ლეგენდის ლეგენდარული კონცერტი – რობერტ პლანტმა ჯაზფესტივალის გახსნის დღე დაუვიწყარი გახადა

19 ივლისი, „ბლექ სი არენას” უზარმაზარი ეზო, მდელოებზე შეფენილი წყვილები, მეგობრები, ასევე წყვილად თუ ჯგუფად, მათ შორის ყველა ასაკის ადამიანი, დიდი თუ პატარა, ზოგმა მისი მოსმენა შვიდი წლის ასაკიდან დაიწყო, ზოგისთვის ახალგაზრდობის საუკეთესო მოგონებაა… მოკლედ, ყველას, ვინც 19 ივლისს, არენის ეზოშია შეკრებილი, თავისი მიზეზი აქვს და რასაკვირველია, მთავარი მუსიკის სიყვარულია, იმ მუსიკის, რომელიც ჯგუფმა “ლედ […]

„მადლობა, Georgia, you were amazing!”- ვაიქლეფ ჟანი ქართველი მელომანებით აღფრთოვანებული დარჩა

უიტნი ჰიუსტონი, ჯგუფი “Destiny’s child” და კიდევ არაერთი ვარსკვლავი, რომელთანაც უთანამშრომლია –  ბათუმის ჯაზფესტივალის რიგით მე-3 დღის სტუმარი ვაიქლეფ ჟანი იყო.  გუშინ საღამოს ბათუმის კორტების სცენაზე საოცარი ზეიმი შედგა. სცენაზე გაჯაზება ვაიქლეფმა მაშინ დაიწყო, როდესაც ქართული „მრავალჟამიერი“ გაარემიქსა და ამით მან პირველი მუხტი მოიტანა, რომელიც კონცერტის ბოლომდე არ განელებულა. პირველი კულმინაცია მაშინ იყო, როდესაც ვარსკვლავმა […]

ტრომბონ შორთის დანთებული ცეცხლი სცენაზე და რამდენიმესაათიანი ლოდინი ერიკა ბადუს კონცერტამდე – ჯაზფესტივალის მე-2 დღე

ლეგენდარული რობერტ პლანტის, „ბლექ სი არენაზე” გამართული კონცერტის შემდეგ, მელომანებმა ბათუმის ჩოგბურთის კორტებისკენ გადაინაცვლეს. 20 ივლისს მუსიკის მოყვარულების წინაშე ტრომბონ შორთი და ერიკა ბადუ წარსდგნენ, თუმცა, ეს დღე არა მხოლოდ ლეგენდარული მუსიკოსების სტუმრობით გამოირჩეოდა, არამედ იმითაც, რომ მელომანებს რამდენიმესაათიანი ლოდინი დასჭირდათ, სანამ ერიკა ბადუ დიჯეის პულტთან დადგებოდა. სანამ ერიკა ბადუს დაგვიანების ამბის შესახებ მოგიყვებით, მანამდე […]

Facebook

რეკლამა

[bsa_pro_ad_space id=1]

მსგავსი სიახლეები

თბილისის ოპერისა და ბალეტის თეატრის 166-ე სეზონი 12 ივლისს დაიხურება

12 ივლისს, 20:00 საათზე, თბილისის ოპერისა და ბალეტის თეატრი 166-ე სეზონს ზაქარია ფალიაშვილის „აბესალომ და ეთერით“ დახურავს. სპექტაკლში მონაწილეობას მიიღებენ: საქართველოს სახალხო არტისტი თეიმურაზ გუგუშვილი, ოპერის თეატრის სოლისტები: ხათუნა ჭოხონელიძე, ვახტანგ ჯაშიაშვილი, ელენე ჯანჯალია, ირა იოსებიძე-მამალაძე, გია ასათიანი, თამაზ საგინაძე, გია მახარაძე, ნუცა ზაქაიძე (სტაჟიორი), გიორგი მჭედლიშვილი (სტაჟიორი). „აბესალომ და ეთერის“ დამდგმელი დირიჟორია ზაზა აზმაიფარაშვილი […]

„სიმონ ბოკანეგრა“ საქართველოში პირველად დაიდგა

10 ივნისს, თბილისის ოპერისა და ბალეტის თეატრში ჯუზეპე ვერდის ოპერის „სიმონ ბოკანეგრა“ პრემიერა გაიმართა. „სიმონ ბოკანეგრა“ საქართველოში პირველად დაიდგა. გენუის ოპერის თეატრის Carlo Felice-ს ეს დადგმა თბილისის ოპერის თეატრის მუდმივ რეპერტუარში იქნება, ხოლო მომდევნო საპრემიერო ჩვენებები 13, 16, 17 ივნისს გაიმართება. სპექტაკლის რეჟისორია – ალფონსო სინიორინი (იტალია), კოსტიუმების მხატვარი კი – ესტერ მარტინი (ესპანეთი). საპრემიერო […]

რა ფასად შეძლებენ სტუდენტები თბილისის ოპერისა და ბალეტის თეატრში სპექტაკლებზე დასწრებას?!

თბილისის ოპერისა და ბალეტის თეატრის ახალი ინიციატივა - თეატრის სამხატვრო ხელმძღვანელის, დავით კინწურაშვილის გადაწყვეტილებით, ოპერაში ამოქმედდა სტუდენტური ბილეთები, რომელიც ქვეყნის ყველა უმაღლესი სასწავლებლის სტუდენტისთვის იქნება ხელმისაწვდომი. მათთვის საოპერო და საბალეტო სპექტაკლებზე დასასწრები ბილეთების ფასი 5 და 7, ხოლო პრემიერაზე 10 ლარი იქნება.

რითი შეცვალეს ოპერის სკანდალური “ქვა”?!

ზაქარია ფალიაშვილის სახელობის თბილისის ოპერისა და ბალეტის თეატრის გახსნამდე, 30 იანვრამდე სულ უფრო ცოტა დრო რჩება. გახსნის თარიღის მოახლოვებასთან ერთად იმატებს სკანდალებიც, რომლებიც თეატრთან არის დაკავშირებული. უკანასკნელი დღეეების განმავლობაში განსჯის საგანი ის დეკორაცია გახდა, რომელიც ქვას წარმოადგენდა, თუმცა უცნაური ფორმის გამო საზოგადოების მხრიდან ის სხვანიარად იქნა აღქმული.

ნიკა გვარამია ოპერის სკანდალურ დეკორაციას ეხმაურება

ოპერის ახალი სკანდალი - ქვა, რომელიც სასცენო დეკორაციას წარმოადგენს სოციალურ ქსელებში განხილვის საგანი გახდა. თემას არაერთი ადამიანი გამოეხმაურა, მათ შორისაა “რუსთავი 2”-ის დირექტორი, ნიკა გვარამიაც.

რეკლამა