ძიუდოისტი ვარლამ ლიპარტელიანი მესამე შვილის მამა გახდა. გიული ჭკუასელს და ვარლამს ბიჭი გაუჩნდათ, რომელსაც ერეკლე დაარქვეს.
დედა-შვილი თავს კარგად გრძნობს და მათ სამშობიაროდან ხვალ გაწერენ.
27 წლის ვარლამ ლიპარტელიანი, იგივე ლიპო, ევროპის 3-გზის ჩემპიონი (2012, 2014, 2016), 4-გზის ვერცხლისა (2009, 2010, 2013, 2015) და ბრინჯაოს (2011) პრიზიორი, ასევე მსოფლიოს ვერცხლისა (2013) და ბრინჯაოს (2014, 2015) პრიზიორი. მსოფლიო თასებზე მოპოვებული აქვს ხუთი ოქროს მედალი. ასევე გახლავთ, მსოფლიო ჩემპიონი და ევროპის 2-გზის ჩემპიონი ახალგაზრდებში.
წარმატებულ სპორტულ კარიერასთან ერთად, სპორტსმენს წარმატებული ოჯახური ცხოვრებაც აქვს. ლიპარტელიანი 2013 წელს დაქორწინდა გიული ჭკუასელზე. გოგონა ცნობილი ქორეოგრაფის, ანსამბლ “ერისიონის” ხელმძღვანელის, ჯემალ ჭკუასელის შვილიშვილია. გიული ბავშვობაში “ერისიონში” ცეკვავდა, დღეს კი ფინანსთა სამინისტროს თანამშრომელია. წყვილს უკვე სამი ვაჟი დათა, დემეტრე და ერეკლე ჰყავს.