მომღერალი თიკა ჯამბურია, სულ მალე მსმენელის წინაშე განახლებული რეპერტუარით წარსდგება. თიკა აპირებს ახალ მუსიკალურ ჟანრში იმღეროს. უფრო დეტალურად საკუთარი გეგმების შესახებ, შემსრულებელი „არ დაიდარდოს“ ესაუბრა.
– მე და ჩემი ორი მეგობარი ახალ პროექტზე ვმუშაობთ. ამ პროექტით სრულიად ახალ მუსიკალურ ჟანრში წარვსდგები მსმენელის წინაშე. ეს იქნება ჩემი, ელექტრონული მუსიკის ჟანრის და კლავიშის სინთეზი. უკვე დაწყებული გვაქვს მუშაობა ერთ-ერთ კომპოზიციაზე, რომლის ჩაწერაც მალე დასრულდება. შემდეგ კლიპსაც გადავიღებთ და პრეზენტაციას გავმართავთ.
– რატომ გადაწყვიტეთ ელექტრონულ ჟანრში ძალების მოსინჯვა?
– ყოველთვის მომწონდა ამ ჟანრის მუსიკა, სისტემატიურად ვუსმენ ელექტრონულ მუსიკას და მინდოდა იმ ჟანრში მომესინჯა ძალები, რომელიც მომწონს. თუ გაამართლა პირველმა კომპოზიციამ, შემდეგ სულ ამ ჟანრში ჩავწერ ახალ სიმღერებს.