Liam Hemsworth-ი დროს ჩამორჩა – სხვას რას უნდა მივაწეროთ ის ფაქტი, რომ მსახიობმა სულ ახლახანს დაარეგისტრირა საკუთარი გვერდი ინსტაგრამზე და უკვე პირველი პოსტიც გამოაქვეყნა, მაშინ როდესაც მისი კოლეგები ერთმანეთს ეჯიბრებიან მილიონობით ფოლოუერით და ახალ-ახალ სურათებსაც დღის განმავლობაში რამდენჯერმე აზიარებენ.
“პარასკევი მსოფლიოში ყველაზე ლამაზ გოგოსთან ერთად გავატარე“ – ასეთ წარწერას ურთავს ფოტოს ვარსკვლავი, თუმცა არ გეგონოთ, რომ მას მართლად მდედრობითი სქესის წარმომადგენელი უმშვენებს. Liam-ს ხელში სატელევიზიო შოუ “Kermit the Frog”-ის გმირი Miss Piggy უჭირავს და ბედნიერი ღიმილით უყურებს თოჯინას…
ფოტო, რომელიც მსახიობის ინსტაგრამზე ზუსტად ერთი დღის წინ გამოჩნდა უკვე დიდი პოპულარობით სარგებლობს და 30 000-მდე მოწონება აქვს. რაც შეეხება Hemsworth-ის ინსტაგრამს – მისი გვერდი 224 000-მდე ადამიანს აქვს გამოწერილი.