20.8 C
Tbilisi
Friday, August 19, 2022

ბუკა პეტრიაშვილი: “მალე მწყობრში ვიქნები!..“

ბუკა პეტრიაშვილი სოციალურ ქსელში აქვეყნებს სიმღერას კინოფილმიდან “ბაში-აჩუკი“ და წერს: “არ გეგონოთ, ციებ-ცხელება მაქვს! მალე მწყობრში ვიქნები, მანამდე კი მომესმა ეს ბრძოლის ყიჟინა და რა გავაკეთო! საქართველო გაიმარჯვებს! უკვე გული მიგრძნობს, მეც იქვე, ახლოში ვიქნები!“

მანამდე რამდენიმე საათით ადრე მისმა მეუღლემ, ჟურნალისტმა ეკა მიშველაძემ გამოაქვეყნა ფოტო, სადაც თავის მეორე ნახევართან ერთად არის გადაღებული და ფოტოს დააწერა:

“აი, ჩვენ კი წინ ბევრი ბედნიერი დღე გვექნება კიდევ, ამაზე უფრო მხიარულიც, ვიდრე ამ ფოტოზეა, მაგრამ აი, იმ ლაჩრებს, ვინც ეს ჩაიდინა და დაუკვეთა, არასოდეს არაფერი ეღირსებათ და ეშველებათ ნამდვილად! ბოროტება მარცხდება, სიყვარული კი სულ იმარჯვებს!“

შეგახსენებთ, რამდენიმე დღის წინ, ბუკა პეტრიაშვილი უცნობმა პირებმა სცემეს და ცეცხლსასროლი იარაღით რამდენიმე ჭრილობა მიაყენეს. ამ დრომდე პოლიტიკოსს რამდენიმე ოპერაცია ჩაუტარდა…

Latest Posts

ბოლო სიახლეები