თბილისის საერთაშორისო თეატრალური ფესტივალი 18 სექტემბერს გაიხსნება – როგორი იქნება პროგრამა

თბილისის საერთაშორისო თეატრალური ფესტივალი 18 სექტემბერს გაიხსნება – როგორი იქნება პროგრამა

თბილისის საერთაშორისო თეატრალური ფესტივალი 18 სექტემბერს გაიხსნება და 9 ოქტომბრამდე გასტანს. ღონისძიებას ექნება საერთაშორისო, ქართული სპექტაკლებისა და კლუბის პროგრამები.

საერთაშორისო პროგრამის ფარგლებში სულ 8 სპექტაკლი იქნება წარმოდგენილი, მათ შორის „ალუბლის ბაღი“ (ბუქარესტის ნაციონალური თეატრი), „ბოლო პაემნები“ (ფომენკოს თეატრი-სახელოსნო), „კუ“ (ემილია რომანას თეატრალური ფონდი), ჩეხოვის პირველი პიესა (დედ ცენტრი) და სხვები.

ქართული სპექტაკლების პროგრამა 2009 წელს თბილისის საერთაშორისო თეატრალურ ფესტივალთან ერთად დაფუძნდა და ტრადიციულად ფესტივალის უმნიშვნელოვანეს ნაწილს წარმოადგენს. ის  გასული  სეზონის  ერთგვარი შეჯამებაა და ყველა დაინტერესებულ თეატრს და კომპანიას საშუალებას აძლევს, თავიანთი ნამუშევარი და ინიციატივები წარუდგინოს საერთაშორისო სტუმრებს.

შოუქეისის სტუმრები მსოფლიოს სხვადასხვა ქვეყნიდან ჩამოდიან ქართული თანამედროვე თეატრის გაცნობის, პროექტების ინიცირებისა და გაცვლითი პროექტების  მიზნით.  ქართული შოუქეისი  ერთგვარ თეატრალურ პლატფორმად ჩამოყალიბდა, რომელიც აერთიანებს: დრამატულ თეატრს, თანამედროვე ცეკვასა და თანამედროვე დრმატურგიას, როგორც დედაქალაქიდან ასევე რეგიონებიდან.

პროგრამა  თეატრის კრიტიკოსებისაგან შემდგარმა  სარეკომენდაციო ჯგუფმა შეარჩია. სარეკომანდაციო  ჯგუფი შედგება  თეატრის კრიტიკოსებისაგან  –  5 ადამიანი –  რომელიც   თბილისის საერთაშორისო თეატრალური ფესტივალის საბჭოს მიერ დასახელდა.  ქართული სპექტაკლების პროგრამაზე მოწვეულნი არიან სხვადასხვა ქვეყნის წარმომადგენლები: რეჟისორები, ფესტივალის დირექტორები, კრიტიკოსები, პროდიუსერები და ჟურნალისტები.

წელს ზემოხსენებულ  პროგრამაზე 80-მდე  საერთაშორისო სტუმარს ელოდებიან. წარდგენილი იქნება „სახეები“, რევიზორი“, ბალიშის კაცუნა“ და სხვა სპექტაკლები.

რაც შეეხება კლუბის პროგრამას – ის ფესტივალის განსაკუთრებული ნაწილია.

პირველად ფესტივალის კლუბი 2009 წელს წარადგინეს, წელს კი ის „პრემიერასაც“ სთავაზობს მაყურებელს.  ეს არის საღამოები სპექტაკლების მერე; განსაკუთრებული საუბრები ხელოვნებაზე; თეატრზე; ემოციისგან დაცლა დისკუსიით და გაზიარებით;  ღვინის  თანხლებით და სექტემბრის განუმეორებელი ხიბლით. ეს პროგრამა „სტრადაში“ გაიმართება.

სიახლეები/

|

September 7, 2017 / 5:15 pm

TOP სიახლეები

ბერა ივანიშვილისა და ნანუკა გუდავაძის ჯვრისწერის ოფიციალური ფოტოები

ბერა ივანიშვილი და ნანუკა გუდავაძე 11 ნოემბერს დაქორწინდნენ. მათ ჯვარი სვეტიცხოვლის ტაძარში დაიწერეს, სადაც ცერემონია ორი საათის განმავლობაში მიმდინარეობდა. წყვილის ბედნიერება მათმა ოჯახებმა და ახლობლებმა გაიზიარეს. ნანუკა ტაძრამდე მამამ მიაცილა. ნეფეც და პატარძალიც ეროვნულ სამოსში იყვნენ გამოწყობილები. ერთ-ერთი ფოტოსტუდიის Savemomentstudio „ფეისბუქ“-გვერდმა ჯვრისწერიდან ოფიციალური ფოტოები გამოაქვეყნა. (ფოტოები)

„სვეტიცხოველი კი არა, მთელი ქვეყანა დახურა სააკაშვილმა…“

სვეტიცხოველში ბერა ივანიშვილის გუშინდელ ჯვრისწერას სოცქსელებში და მედიაში დიდი გამოხმაურება მოჰყვა. წერდნენ, რომ ბიძინა ივანიშვილმა თავისი შვილის ქორწილისთვის სვეტიცხოველი დახურა. კრიტიკის პარალელურად, სოციალურ ქსელში განსხვავებული მოსაზრებებიც გამოითქვა. გთავაზობთ რამდენიმე მათგანს. ნინა კობახიძე, სადაზღვევო კომპანიის ხელმძღვანელი: „სვეტიცხოველი კი არა, მთელი ქვეყანა დახურა სააკაშვილმა, შერონ სტოუნობა გამახსენდა უცებ, აივნიდან რომ ვერ გადმოიხედებოდი და თან ფული უნდა ჩაგვეტანა […]

ლევან კბილაშვილის გამოსვლა რუსულ „ვოისში“ – „ეს მხოლოდ დასაწყისია!..“

„ჯეოსტარის“ მონაწილე ლევან კბილაშვილი ამჟამად რუსეთშია, სადაც ბედი რუსულ „ვოისში“ სცადა. ეროვნულ სამოსში გამოწყობილმა ლევანმა ორი ქართული სიმღერა შეასრულა და ჟიურის წევრების გული მოიგო, მათ შორის გახლდათ ცნობილი პროდიუსერი და კომპოზიტორი, კონსტანტინე მელაძე, რომელიც მომღერალს შემოუტრიალდა და ლევანი სწორედ მის გუნდში აღმოჩნდა. ლევანმა სამადლობელო სიტყვები გამოაქვეყნა მხარდამჭერების მისამართით: „მე დღეს ძალიან ბედნიერი და ამაყი ვარ! […]

Facebook

რეკლამა

რეკლამა