სტეფანე: „ეს ძალიან მსტრესავს… შეიძლება იფიქროთ, რომ გარეკილი მაქვს, მაგრამ…“

სტეფანე: „ეს ძალიან მსტრესავს… შეიძლება იფიქროთ, რომ გარეკილი მაქვს, მაგრამ…“

სტეფანე სოციალურ ქსელში საკუთარი შემოქმედებითი გეგმების შესახებ წერს და ხსნის მიზეზს, რატომ აღარ მიიღებს მონაწილეობას ტელეგადაცემებში.

„ამ ბოლო დროს საკმაოდ დატვირთული წელი მქონდა. პანდემიაშიც კი უმნიშვნელოვანესი პროექტები გავაკეთე. ძალიან რთული გრაფიკი იყო, ხან ჩაწერები, ხან გადაღებები და პარალელურად ტელევიზიაებში მისვლები, რაც უდიდეს ენერგიას და დროს მოითხოვს. შვებულების საშუალება ჩვენ როგორც წესი არ გვაქვს ხოლმე იმიტომ, რომ არეულ გრაფიკში რთულია დროის გამონახვა. რადგან ახლა კონცერტები აკრძალულია, დრო მინდა მოვიგო და დავუთმო ჩემს თავს, ჩავწერო ახალი სიმღერები, ვეურთიერთო მეგობრებს, ბევრი დრო დავუთმო ოჯახის წევრებს.

ნუ გეწყინებათ, თუ გადაცემებში ვერ მოვალ. რამდენჯერაც გადავწყვეტ, რომ შვებულება მაქვს, სულ ვიღაც ახლობელი რეკავს და ამა თუ იმ გადაცემაში მექაჩება და ეს ძალიან მსტრესავს. შეიძლება იფიქროთ, რომ გარეკილი მაქვს… ნება თქვენია, მაგრამ მომეცით შვებულების საშუალება მეც ისე, რომ ამპარტავნებაში არ ჩამითვალოთ! უბრალოდ, პირადი საქმეები დამიგროვდა. თან, თუ იმით მოტივირებთ, რომ ეს მუსიკოსისთვის პიარია, ტელევიზიაში მისვლა და გამოჩენა (41 წლის ვარ და რამდენ ეთერში ვარ ნამყოფი, თეორიული დათვლის შანსი არ არსებობს) და რომც ესე იყოს, რეკლამა მუსიკოსს იმისთვის უნდა, რომ მერე კონცერტები ჰქონდეს… რადგან, როგორც ვთქვი, კონცერტები არ შეიძლება… ლოგიკურია რომ რეკლამაც არ არის საჭირო ამ ეტაპზე.

ახლა ეს ყველაფერი იმიტომ დავწერე: მუსიკოსებმა ბოიკოტი გამოუცხადეს ტელევიზიებს, რომ უფასოდ დაკვრა აღარ უნდათ გადაცემებში (ამის კომენტარზე რეკავენ). ჩემი აზრი თუ გაინტერესებთ, მეც სოლიდარობას ვუცხადებ და მიმაჩნია, რომ ყველას შრომა უნდა იყოს ანაზღაურებული… ისევე, როგორც გადაცემის ოპერატორების, პროდიუსერების, რეჟისორების, წამყვანების და ასე შემდეგ“.

სიახლეები/

|

September 28, 2020 / 5:14 pm

საკვანძო სიტყვები

TOP სიახლეები

ვიდეო: შორენა ბეგაშვილმა აღიარა, რომ დავით ბაგრატიონისგან ორსულად იყო და აბორტი გაიკეთა

შორენა ბეგაშვილმა ია ფარულავას გადაცემაში სკანდალური რამ აღიარა. მან ფარული კონვერტი გახსნა და თქვა, რომ ის ფეხმძიმედ იყო დავით ბაგრატიონისგან, რომელთანაც რომანი აკავშირებდა. შორენა ბეგაშვილი: ეს ამბავი იყო მაშინ, როდესაც მე წამოსული ვიყავი მეფისგან და აღმოვაჩინე, რომ ორსულად ვიყავი. კი, ჩვენ გვქონდა სექსი… ვფიქრობ, მაშინ საუკეთესო გადაწყვეტილება მივიღე, რადგან თავად ვიყავი არასასურველი და რა ერქმეოდა […]

ფოტო: ანუკი არეშიძემ ახალი კაფსულა-კოლექცია ბრიტანული ონლაინმაღაზიისთვის შექმნა

ანუკი არეშიძის ახალი კაფსულა-კოლექცია, სადაც წითელი ფერი დომინირებს, დიზაინერის სოციალურ ქსელებში ახლახან გამოჩნდა. თორნიკე აივაზიშვილის ფოტოკამერის წინ მოდელმა თათია ახალაიამ მოირგო ანუკის ახალი ნამუშევრები, რომლებიც ქართველმა დიზაინერმა სპეციალურად ბრიტანული ონლაინმაღაზიისთვის brownfashion.com შექმნა. ანუკიმ ამჯერადაც არ უღალატა საკუთარ ხელწერას და ბრჭყვიალა ქსოვილები და ტყავი გამოიყენა. ქალური კოლექციის შეძენა ბრიტანულ საიტზეა შესაძლებელი. (ფოტოები)

ვიდეო: ეკა დემეტრაძისა და დათო გაბუნიას სიყვარულის ამბავი

მსახიობი ეკა დემეტრაძე და ჯგუფ “გამოუვალი მდგომარეობის” წევრი, ხმის რეჟისორი, დათო გაბუნია საკმაო ხანია, ერთად არიან. წყვილმა “მთავარ არხს” თავისი ურთიერთობის შესახებ ინტერვიუ მისცა. როგორც აღნიშნეს, პირველად სიყვარული ეკას დათომ აუხსნა და აღმოჩნდა, რომ ეკაც შეყვარებული იყო. წყვილმა ერთმანეთი სერიალ “ჩემი ცოლის დაქალების” გადასაღებ მოედანზე გაიცნო, სადაც ეკა ერთ-ერთ პერსონაჟს განასახიერებდა, ხოლო დათო ხმის რეჟისორად […]

Facebook

რეკლამა

მსგავსი სიახლეები

ვიდეო: ლელა წურწუმიამ სტეფანესთან ერთად “დამიბრუნდი” შეასრულა

ლელა წურწუმიას შოუში “მთავარ არხზე” სტეფანე ესტუმრა. მან “ნონ სტოპთან” ერთად თავისი რეპერტუარიდან ერთ-ერთი ყველაზე ცნობილი სიმღერა – “დამიბრუნდი შეასრულა. სტეფანეს პარტნიორობა ლელა წურწუმიამ გაუწია. მაყურებლსითვის საინტერესო იყო, თუ როგორ შეასრულა ლელამ კოლეგისა და მეგობრის სიმღერა. (ვიდეო)

ვიდეო: სტეფანეს ენერგიული ცეკვა გადასაღებ მოედანზე

სტეფანემ ახლახან კორძთან და დროსთან ერთად “მაგთის” 24 წლის იუბილესთან დაკავშირებული კომპოზიცია ჩაწერა და კლიპშიც მიიღო მონაწილეობა. ახლახან მან გამოაქვეყნა ვიდეო გადასაღები მოედნიდან, სადაც ენერგიულად ცეკვავს. (ვიდეო)

ვიდეო: სტეფანე და კორძი “მაგთის” ახალ ვიდეორგოლში გამოჩნდნენ

სტეფანე, კორძი და დრო “მაგთის” ახალ ვიდეორგოლში გამოჩნდნენ. პროექტის პროდიუსერი მანანა შევარდნაძეა. ვიდეორგოლი სოციალურ ქსელში ახლახან აიტვირთა. “იმედია, მოგეწონათ ჩვენი ახალი კომერციული ვიდეო” დაწერა სტეფანემ და კორძთან ერთად გადაღებული ფოტო გამოაქვეყნა. ვიდეოს უკვე უამრავი ნახვა და მოწონება აქვს. (ვიდეო)

სტეფანეს ფოტო„მსოფლიოში ულამაზეს ქალთან ერთად“

სტეფანეს ოფიციალურ გვერდზე ქართველ დიზაინერთან, მაკა ასათიანთან ერთად გამოქვეყნებული ფოტო განთავსდა. როგორც მუსიკოსი წერს, ის ამ ფოტოზე მსოფლიოში ყველაზე ლამაზ ქალთან ერთად არის გადაღებული. ძნელია, მუსიკოსის ამ შეფასებას არ დაეთანხმო. შეგახსენებთ, რომ ამჟამად მაკა ასათიანი ოჯახთან ერთად საქართველოშია. მას შვილიშვილი შეეძინა და ძალიან დიდ დროს სწორედ მასთან ერთად ატარებს.

სტეფანე: “მუსიკოსებზე რატომ არ ფიქრობენ არასდროს?”

სტეფანე აქვეყნებს სტატუსს, სადაც წერს მუსიკოსების ფინანსური მდგომარეობის შესახებ და აღნიშნავს, რომ მათზე არავინ არასდროს ფიქრობს. გთავაზობთ სტატუსს: “მუსიკოსებზე რატომ არ ფიქრობენ არასდროს?.. ყველა არეულობის დროს ეს პროფესია კარგავს აზრს, მაგრამ ესეთ ვითარებაში, სადაც ვერავინ ვერაფერს ვერ გააკეთებს, არავის არ ადარდებს (გამონაკლისების გარდა), ეტყობა, ჰგონიათ, რომ სფერო რადგან გართობასთან არის დაკავშირებული, ჩვენ უდარდელი ცხოვრება გვაქვს. […]

რეკლამა