რეჟისორისა და მსახიობის წყვილი თვეზე მეტია, ოქროყანაში ცხოვრობს. სახლში, რომელიც მთლიანად საკუთარი გემოვნებით მოაწყვეს, სადაც შესული ძალიან კომფორტულ გარემოში აღმოჩნდებით და ვერც იფიქრებთ, რომ ლევან წულაძემ და მანანა კოზაკოვამ იქ ახალსახლობა მარტში აღნიშნეს.
რეჟისორი ძველი ნივთების მოყვარულია და მათ განსაკუთრებით უფრთხილდება, თუმცა ახალ სახლში ადგილი ვერ მოუძებნეს 1800-იან წლებში მისი დიდი ბაბუის მიერ ნაყიდ როიალს, რომელიც ბოლოს თეატრისკენ გზას გაუყენეს და ახლა ჭოლას მეორე საცხოვრებელ სივრცეს ამშვენებს, იმ ადგილს, სადაც ყველაზე დიდ დროს ატარებს…
სახლი მანანამ ჩემი პიროვნების დათრგუნვის ხარჯზე მოაწყოო, შემოგვჩივლა, თუმცა საუბრისას, სანამ რეპეტიციაზე არ გაგვექცეოდა, გამოირკვა, რომ ბევრი რამ ერთად გადაწყვიტეს…
ჩვენს ინტერვიუს ესწრებოდა სახლის კიდევ ერთი ბინადარი, რომელმაც თავიდან ჩვენი მისვლა გააპროტესტა და გვიყეფდა, თუმცა შემდეგ შეგვეჩვია და ყველა ფოტოში გამოჩენას ცდილობდა…
ვისი წვლილი უფროა სახლის გალამაზებაში?
ლევანი:
მანანასი. ძალიან დიდი რუდუნებით მიუდგა ამ საკითხს, არც ველოდი ამას, ოღონდ ეს იყო ჩემი პიროვნების დათრგუნვის ხარჯზე. ვჩხუბობდით ნებისმიერ ფერზე. მანანა იმარჯვებდა.