ლაშა გაბუნია სოფი ვილისა და ლუკა ზაქარიაძის “არ დაიჯეროს“ უგემოვნოს უწოდებს

ლაშა გაბუნია სოფი ვილისა და ლუკა ზაქარიაძის “არ დაიჯეროს“ უგემოვნოს უწოდებს

მუსიკალური კრიტიკოსი ლაშა გაბუნია ფეისბუქის გვერდზე აქვეყნებს სოფი ვილისა და ლუკა ზაქარიაძის მიერ შესრულებულ, იშხნელების სიმღერას “არ დაიჯერებ“, რომელიც სპეციალურად დათო ევგენიძის პროექტისთვის ახლებურად შესრულდა. როგორც ლაშა წერს, ამ ვერსიით ღირსეულმა ხალხმა სიმღერა “გააბანძა“. დავინტერესდით, რატომ ფიქრობს ასე და ჟურნალისტს კომენტარისთვის დავუკავშირდით.

ლაშა გაბუნია:

არ ვიცი, რა პროექტისთვის შეიქმნა ეს ვერსია და როგორც ჩვეულებრივი მსმენელისთვის, ეს მნიშვნელოვანი არც უნდა იყოს. მოვუსმინე და ჩემი აზრით, არც არანჟირება, არც შესრულება და მით უმეტეს, არც ჯიმი პეიჯის პარტია “ქაშმირიდან“ არაფერ შუაში არ არის იმ განწყობასთან, რაც 20-იან წლებში შექმნილ ამ სიმღერას ჰქონდა.

იმ მუსიკოსებს, რომლებიც აქ უკრავენ და მღერიან, ვიცნობ და პატივს ვცემ, მაგრამ ვფიქრობ, არანჟირების სერიოზული პრობლემაა. სიმღერისადმი არცთუ კარგ დამოკიდებულებას აჩენს, არადა, საქართველოში ალბათ ცოტაა ადამიანი, ვისაც ეს სიმღერა არ მოსწონს.

ჩემი აზრით, ეს არის შესრულება რეპეტიციის გარეშე, ნაჩქარევად გაკეთებული. ზოგადად ნებისმიერი სიმღერის მიმართ არ მაქვს დამოკიდებულება, რომ “სიწმინდეს არ უნდა შეეხო“. პირიქით, ახალი ვერსიების მოსმენა ძალიან საინტერესოა. ევა ქესედის “Autumn Leaves” ამისი საუკეთესო მაგალითია. ბევრი სხვა ქავერიც მომისმენია და მომწონებია, მაგრამ “არ დაიჯერებ“ – ის შემთხვევაში საქმე გვაქვს უპასუხისმგებლო მიდგომასთან და უგემოვნო ვერსიასთან.

არც ნამღერი მომეწონა. სოფი ვილის ძალიან რბილი და სასიამოვნო ხმა აქვს, ლუკა ზაქარიაძე კი როკს კარგად ასრულებს, ინდიმუსიკოსი და როკმომღერალი შეხვდნენ ერთმანეთს და გადაწყვიტეს სიმღერის ერთად შესრულება, მაგრამ არ გამოვიდა. ვფიქრობ, ნებისმიერ სიმღერას ასე დაუფიქრებლად ხელი არ უნდა მოკიდონ. გული დამწყდა, რომ ასეთი კარგი მუსიკოსები ასე “ამჩატდნენ“.

სიახლეები/

|

October 1, 2015 / 1:52 pm

TOP სიახლეები

თბილისის მოდის კვირეულის შთამბეჭდავი გახსნა, რომელიც მედეა ჯაფარიძეს მიეძღვნა

თბილისის მოდის კვირეული 19 აპრილს შესანიშნავი ქართველი მსახიობის, მედეა ჯაფარიძის გახსენებით დაიწყო. საღამო, რომლის რეჟისორიც ბასა ფოცხიშვილი გახლათ, ნაციონალური სასახლის (ყოფილი პიონერთა სასახლის( თვალისმომჭრელად ლამაზ ეზოში გაიმართა. ბაფთებიანი გოგონები გრძელ კაბებში მედეა ჯაფარიძეს, როგორც სტილის კერპის ტიტულს ამართლებდნენ. შავ და თეთრ ფერებში გადაწყვეტილი სამოსი, სიმწვანე, ქართული სიმღერები, როგორც ტრადიციულად შესრულებული, ანთებული ფიალების თანხლებით, ასევე „ნიუტონის“ […]

ემინი 1-ელ ივნისს დიდ საკონცერტო დარბაზში ორკესტრთან ერთად წარდგება

რუსული ესტრადის ერთ-ერთი აქტიური წევრი, აზერბაიჯანელი მომღერალი ემინი, რომელიც არაერთ მუსიკალურ ჯილდოს ფლობს, საქართველოს საგასტროლო ტურნეს ფარგლებში ეწვევა, რომელსც „ბუმერანგი“ ჰქვია. დღესდღეობით ემინის ანგარიშზეა ცხრა ინგლისურენოვანი და რამდენიმე რუსულენოვანი ალბომი, მომღერალი თანამშრომლობს ისეთ ცნობილ კომპანიებთან, როგორებიცაა Warner Music da Sony ATV Music Publishing. ის დუეტებს ასრულებს „ა- სტუდიოსთან“, გრეგორი ლეფსთან, პოლინა გაგარინასთან, ლაიმა ვაიკულესთან… ემინის […]

ენიო მორიკონეს კონცერტის ბილეთის ფასი 60 ლარიდან დაიწყება

18 აპრილს, თბილისის სახელმწიფო ოპერის თეატრის შენობაში „ბლექ სი არენას“ სეზონის გახსნასთან დაკავშირებით პრესკონფერენცია გაიმართა, რომელსაც საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი, დიმიტრი ქუმსიშვილი, ტურიზმის ეროვნული ადმინისტრაციის ხელმძღვანელი გიორგი ჩოგოვაძე და „ბლექ სი არენას“ დირექტორი ანი კავლელიშვილი მონაწილეობდნენ. ცნობილი კომპოზიტორი და დირიჟორი, ენიო მორიკონე საქართველოს ესტუმრება. 2018 წლის 19 მაისს ის რომის სიმფონიურ […]

Facebook

რეკლამა

მსგავსი სიახლეები

„არტ-გენი 2017“ თბილისში სოფი ვილის კონცერტით გაიხსნება

ფოლკლორულმა ფესტივალმა „არტ-გენმა“ უკვე მოიარა სხვადასხვა ლოკაცია საქართველოს მასშტაბით, გაიმართა უამრავი საინტერესო ღონისძიება. 17 ივლისიდან კი „არტ-გენი“ სტარტს უკვე თბილისში აიღებს და რამდენიმე დღეს გასტანს. პროგრამა საკმაოდ მრავალფეროვანია. 17 ივლისს ის სოფი ვილის კონცერტით გაიხსნება. ქართველი შემსრულებელი ღონისძიებაზე ბენდთან ერთად წარდგება და კომპოზიციებს ახალი ალბომიდან შეასრულებს. 18 ივლისს მთავარ სცენას ბათუმური ჯგუფი Asea Sool დაიკავებს, […]

სოფი ვილის ახალი ვიდეორგოლი და ალბომი, რომლის პრეზენტაციაც ნიუ იორკში შედგება

12 აპრილს ინტერნეტში შედგა ქართველი შემსრულებლის, სოფი ვილის ახალი ვიდეოკლიპის პრემიერა. ის „იუთუბზე“ განთავსდა. მას ქართველი მუსიკოსები სოცქსელში აზიარებენ და წერენ, რომ ძალიან სასიხარულოა, როცა საქართველოში მსოფლიო დონის მუსიკა იქმნება. სოფი ვილიმ ეს კომპოზიცია თავად დაწერა, ტექსტიც მას ეკუთვნის, არანჟირება კი ნიკაკოისთან, ანუ ნიკა მაჩაიძესთან ერთად გააკეთა. ამ არჩევანს იმით ხსნის, რომ ამ მიმართულებით საქართველოში […]

რეკლამა