„გარდიანი“ თბილისური კულტურული ცხოვრების, „ბასიანისა“ და დიზაინერების შესახებ

„გარდიანი“ თბილისური კულტურული ცხოვრების, „ბასიანისა“ და დიზაინერების შესახებ

მოდა, ღამის ცხოვრება და ხელოვნება საქართველოს დედაქალაქში არნახული სისწრაფით ვითარდება. სცენაზე უფრო და უფრო მეტი ახალგაზრდა არტისტი გამოდის და სისტემას თავისებურად ცვლის.

თბილისის სამეცნიერო ბიბლიოთეკის ბოლო სართული, 1940-იანი წლების ნაგებობა, ისტორიული არქტიტექტურა, უამრავი წიგნი, ტროპიკული მცენარეები და დიზაინერ Gola Damian-ს ინოვაციური კოლექციის ჩვენება. ისტორიულ კედლებში საკლუბო და ვინტაჟურ სამოსში გამოწყობილი მოდელები მოძრაობენ. სწორედ ამის გამოა თბილისი ასეთი განსაკუთრებული, უძველესი ქალაქი კრეატივის რენესანს განიცდის და მას წინ უნიჭიერესი ადამიანები მიუძღვიან.

„მოდა და ღამის ცხოვრება თბილისში ნამდვილად ყვავის“ – აცხადებს გოლა და იმასაც ამატებს, რომ სწორედ კლუბებმა ითამაშეს დიდი როლი იმაში, რომ ქალაქის მიმართ ინტერესი გაიზარდა. ინტერნაციონალური საზოგადოება თბილისს შესაძლოა მხოლოდ „ბასიანის“ სანახავად აკითხავდეს, თუმცა შემდეგ ქალაქის ენერგიას შეიგრძნობს და სრულიად მოჯადოებული რჩება. ევროპისა და აზიის გასაყარზე მოთავსებულ ქვეყანას საკმაოდ რთული ისტორია აქვს და ელექტრონული სცენის განვითარება სულ რაღაც 5 წლის წინ დაიწყო. ქვეყანაში, სადაც 2013 წელს მასშტაბური ჰომოფობიური შეტაკება მოხდა, ახალი თაობა LGBTQ საზოგადოების უფლებებს სულ უფრო და უფრო მეტად იცავს.

ღამის ცხოვრება და LGBTQ

ნია გვათუა (Nia Gvatua) პირველი გეი ბარის – Success Bar-ის დამაარსებელია. პატარა ბარი 2000 წლიდან არსებობს, თუმცა ნიამ ის 2017 წლის მარტში თავიდან გახსნა და უმცირესობების წარმომადგენლებს შეკრების ადგილი გაუჩინა. როგორც ის იხსენებს, ეს ყველაფერი მარტივი არ ყოფილა, მას უამრავი პრობლემა ჰქონდა, ემუქრებოდნენ კიდეც, თუმცა საბოლოოდ ყველაფერი კარგად დასრულდა.

თბილისის კლუბური სცენა სულ უფრო და უფრო ტოლერანტული ხდება. Café Gallery 2011 წელს გაიხსნა და იქ ყველა გენდერისა და სექსუალური ორიენტაციის ადამიანს ერთნაირად ხვდებიან. თუმცა, ღამის ცხოვრება Basiani-ს გარეშე მართლაც წარმოუდგენელია. ეს არის კლუბი, რომელმაც თბილისზე ყველაზე დიდი გავლენა მოახდინა. დინამოს სტადიონის ქვეშ განთავსებული სივრცე ორ – დიდ და პატარა ოთახებს მოიცავს და ელექტრონული მუსიკის მოყვარულთათვის ნამდვილი სამოთხეა. როგორც ქალაქის ტექნო სცენის ერთ-ერთი მთავარი ფიგურა ანა ყუბლაშვილი აცხადებს, ქართველებს მოსმენა და ცეკვა უყვართ. კლუბი მათთვის თავისუფლებასთან ასოცირდება, ბასიანი კი არის ადგილი, რომელიც როგორც ქართველ ასევე უცხოელ მელომანებსაც მრავლად იზიდავს.

თბილისის რუკაზე სხვა კლუბები – „ხიდი“, „მტკვარზე“ და „Vitamin Cubes“, ასევე ბარები – „მოზაიკა“ და „მეობაც“ არის, რაც იმას ნიშნავს, რომ ღამის ცხოვრების მოყვარულები ნამდვილად არ მოიწყენენ. ხოლო ნარკოპოლიტიკის შემსუბუქებამ ქვეყანა კიდევ უფრო მეტად ტოლერანტული გახადა.

(ვრცლად/ფოტოები)

სიახლეები/

|

April 12, 2018 / 4:22 pm

საკვანძო სიტყვები

TOP სიახლეები

სალომე გოგიაშვილი: „არც მკერდის ოპერაცია დამიმალავს და არც ცხვირის“

სალომე გოგიაშვილმა ახლახან ცხვირის ოპერაცია გაიკეთა და ძალიან კმაყოფილი დარჩა შედეგით. როგორც ამბობს, მისი ოჯახის წევრებს, მათ შორის მეუღლესა და შვილებს არ უნდოდათ, მაგრამ თავად რამდენიმე წელი ფიქრობდა დაცემისას გამრუდებული ცხვირის ფორმის შეცვლაზე და როგორც იქნა, ბევრი ფიქრის შემდეგ გადაწყვიტა… როგორც „თბილისელებთან“ ინტერვიუში ამბობს, მას არც ცხვირის ოპერაციის ამბავი დაუმალავს, რადგან სურდა, ვისაც ასეთი განზრახვა […]

Tbilisi Open Air 2019-ის ჰედლაინერი Franz Ferdinand იქნება

Tbilisi Open Air-ის ლაინაფი და ჩატარების თარიღი ცნობილია. Tbilisi Open Air 2019-ში 10 წლის იუბილეს აღნიშნავს და 21, 22 და 23 ივნისს Lisi Wonderland-ში გაიმართება. ფესტივალის ჰედლაინერები არიან Franz Ferdinand, Mogwai, UNKLE, Rhye, David August, The Subways, Michelle Gurevich, 1200 Micrograms, ‘მწვანე ოთახი’. საერთო ჯამში – 70-მდე შემსრულებელი. Tbilisi Open Air-ზე 4 სცენა იმუშავებს. ფესტივალის […]

ნანი და სტეფანე – ამონარიდი ახალი კლიპიდან (ვიდეო)

ნანი ბრეგვაძემ და სტეფანემ დუეტი ჩაწერეს. ვაჟა აზარაშვილის ცნობილი სიმღერის „ისევ წვიმს“ ახლებური ვერსია მათ ერთად ჯერ „ბლექ სი არენაზე“, ნანი ბრეგვაძის საღამოზე შეასრულეს, შემდეგ კი სტუდიაში გადაინაცვლეს და შესანიშნავი მუსიკოსების არანჟირებით ჩაწერეს. ახლახან კი მუსიკოსებმა დაასრულეს მუშაობა ვიდეორგოლზე, რომლის პრემიერაც 20 მარტს, „ნანუკა ჟორჟოლიანის შოუში“ შედგება. სტეფანემ ახალი კლიპიდან ამონარიდი „ფეისბუქის“ გვერდზე გააზიარა. შეგახსენებთ, […]

Facebook

რეკლამა

რეკლამა