მომღერალი დათო არჩვაძე ავარიაში მოყვა. ის თავად მართავდა საჭეს და როგორც ამბობენ, თამარ მეფის ხიდის ქვეშ, კედელს შეეჯახა. დაშავებული მომღერალი რესპუბლიკურ საავადმყოფოში გადაიყვანეს.
ამბავი მისი დაშავების შესახებ პეტრე კოლხმა გაავრცელა და დაწერა:
„ცხოვრება ხშირად არასასიამოვნო წუთებს გვიმზადებს, მაგრამ სადაც უამრავს სჭირდები, შეუძლებელია მწუხარება სიხარულად არ გექცეს…
მადლობა ღმერთს, დათო სასწაულად გადარჩა და ამერიკაშიც წავა, ემიგრანტების გულის გასახარად…
„ნანუკას შოუში“ მოგებული მანქანა აღარ ჰყავს, მაგრამ მთავარია, დათო გვყავს…“
როგორც შევიტყვეთ, მომღერალს სათანადო მკურნალობა ჩაუტარდა და მას დღეს გამოწერენ.