მწერალი რეზო თაბუკაშვილი და მსახიობი ეკა ნიჟარაძე ახლო ურთიერთობას არ მალავენ. ახლახან რეზო თაბუკაშვილმა ინტერვიუ მისცა ჟურნალ „სარკეს“, სადაც თავის გრძნობებზე ისაუბრა საყვარელი ქალის მიმართ.
„ჩვენ ორი წელია, ერთად ვცხოვრობთ და, საბედნიეროდ, თავს ორივე ძალიან კარგად ვგრძნობთ“, ამბობს მწერალი.
მისივე თქმით, პირველი ოჯახი 19 წლის ასაკში შექმნა:
„მაშინ ასეთი ტენდენცია იყო, ჩემი ბევრი მეგობარიც ამ დროს დაოჯახდა. კიდევ კარგი, მოასწრეს, ბევრი ისე წავიდა ამქვეყნიდან, შვილები არ დარჩა. ქალაქში რომ დავდივარ, ვხვდები, რომმ ჩემი თაობის შვილების ნაკლებობაა“, აღნიშნავს ჟურნალ „სარკის“ რესპონდენტი.