შეიძლება ითქვას, რომ ბოლო დროს ქართულ ტელესივრცეში გასართობი გადაცემები ძირითადად, არა ჟურნალისტებს, არამედ სხვა პროფესიის ადამიანებს მიჰყავთ. მათ შორის ყველაზე ბევრი მსახიობია, თუმცა ბოლო პერიოდში მათ რიგს მომღერლებიც შეუერთდნენ.
როგორც ლელა წურწუმიამ ახლახან თქვა, ახალი სიმღერების წარდგენა და მაყურებლისთვის საკუთარი და სხვების მუსიკის შეთავაზება პანდემიის პერიოდში ყველაზე კარგად სწორედ საკუთარი გადაცემის მეშვეობით შეუძლია. პანდემიის პირობებში მაყურებელთან შეხვედრა ქართველი შემსრულებლებისთვის სულ უფრო იშვიათი ფუფუნება გახდა. ალბათ ესეცაა იმის მიზეზი, რომ ამ ბოლო დროს ქართველი მომღერლებიდან რამდენიმე ტელეწამყვანი გახდა და ახალ ამპლუაში სინჯავს საკუთარ შესაძლებლობებს.