ნოდიკო ტატიშვილმა, ვენაში მცხოვრები ქართველის, ია ხუროშვილის მიწვევით, დედის დღეს, 3 მარტს, ქართველი ემიგრანტებისთვის ავსტრიის დედაქალაქში კონცერტი გამართა. ღონისძიებამ ანშლაგით ჩაიარა. კონცერტზე შესრულდა ცნობილი ქართული სიმღერები და ჰიტები მომღერლის შემოქმედებიდან.
როგორც თავად მომღერალმა ჩვენთან საუბრისას აღნიშნა: „კონცერტი იყო ძალიან ემოციური, პუბლიკა – საოცარი, ენერგეტიკა, ტაში, ბრავო…“
კონცერტის შემდეგ ნოდიკო ტატიშვილი მსმენელთან შესახვედრად დარბაზის ფოიეში მიიწვიეს. უამრავმა მსურველმა მასთან ერტად სამახსოვრო ფოტოები გადაიღო.
