მუსიკალური პროექტის “მუზამე” სეზონს “მოტორამა” დახურავს

ექსპერიმენტული მუსიკალური პროექტის მუზამეს ფარგლებში მულტიფუნქციურ საკონცერტო დარბაზში SPACEHALL-ში არაერთი ცნობილი და წარმატებული ატრისტი გვიხილავს. ამჯერად კი პროექტი სეზონის დახურვისთვის ემზადება. თუმცა სანამ იმ შემსრულებელზე ვისაუბრებდეთ, რომელიც დღეს, საღამოს რვა საათზე ქართველი მსმნელის წინაშე წარსდგება, მანამდე შევაჯამოთ გასული ივენთები და გავიხსენოთ ის შემსრულებლები, რომლებმაც საზოგადოებას თავი ყველაზე მეტად დაამახსოვრეს. როგორც პროექტ მუზამეს ავტორი გიორგი კიკონიშვილი გვეუბნება, მისთვის რთულია კონკრეტული არტისტის გამოყოფა, რადგან თითოეული მათგანის საღამო, ხარისხიანი მუსიკითა თუ საშემსრულებლო ოსტატობით, ნამდვილად დაუვიწყარი იყო.