ფლობს ლამაზი ტემბრის, სრული დიაპაზონის ხმას, გამოირჩევა არტისტული მონაცემებით. მისი რეპერტუარი მრავალფეროვანია, შესრულებული აქვს წამყვანი პარტიები: ვერდის, შტრაუსის, მუსორგსკის, შოსტაკოვიჩის, ოფენბახის, მოცარტის, პროკოფიევის, ბეთჰოვენის და ჩაიკოვსკის ოპერებიდან. მღერის მსოფლიოს სხვადასხვა საოპერო თეატრებში და ამ ყველაფერთან ერთად, აღსანიშნავია მისი ვიზიუალური მხარეც, რომელიც აუდიტრიის ყურადღებას ყოველთვის იპყრობს. დიახ ეს ნინო სურგულაძეა, რომლისთვისაც მთელი წელი გაწერილია, თუმცა ყოველთვის ახერხებს მშობლიურ ქვეყანაში, საოპერო საღამოები თავის მსმენელს აჩუქოს და ამჯერად 27 მარტს ცნობილი ქართველი მეცო-სოპრანო ნინო სურგულაძე, ეროვნულ სიმფონიურ ორკესტრთან ერთად კონცერტს გამართავს.