40 000 მდე სტუმარი 35 ქვეყნიდან, 100-ზე მეტი არტისტი 5 განსხვავებული სცენა და 100 საათი უწყვეტი მუსიკა – ანაკლიის სანაპიროზე ექოვეივს ფესტივალი გაიმართა, რომლის მიზანიც რეგიონის კულტურულ განვითარებაში მნიშვნელოვანი წვლილის შეტანა და ტურისტულად მიმზიდველი პროექტის შექმნა გახლდათ. გარდა მუსიკისა, ფესტივალი მოიცავდა სპორტულ აქტივობებს, თეატრალურ, სახელოვნებო, თუ სხვადასხვა ტიპის კულტურულ ღონისძიებებს, სოციალურ და საგანმანათლელო პროექტებს.