წარმატებული ადამიანები ქვეყნის მომავალს განაპირობებენ. სოციალური აქტივობები, პროფესიონალიზმი, დარგის განვითარება – ეს ის მთავარი კრიტერიუმებია, რომელიც ქვეყნის მასშტაბური დაჯილდოების ცერემონიალს „პერსონა 2018“-ს საფუძვლად უდევს. 50 სხვადასხვა სფეროში მოღვაწე წარმატებული ადამიანი სპეციალურმა ბორდმა ხმის მიცემის პრინციპით გამოავლინა. დაჯილდოების ცერემონიალი კულტურის ცენტრ არტ-ჰოლში საზეიმო ვითარებაში შოუ-პროგრამის თანხლებით გაიმართა, რომელიც ორგანიზაციამ „ქართული განათლება“, წელს ქართველი გვარების მხარდაჭერით წარმოადგინა. აქვე გეტყვით, რომ „პროექტის იდეის ავტორი და დამფუძნებელი იოსებ კავკავაშვილი გახლავთ, ხოლო ბორდს ჟურნალ „თქვენი სახის“ დამფუძნებელი, ინგა სიორიძე ხელმძღვანელობს.