მსახიობ ზურა ინგოროყვას გამო, რუსთაველის თეატრში დაგეგმილი პრემიერა ჩაიშალა. სპექტაკლი ლაშა თაბუკაშვილის პიესის მიხედვით იყო დადგმული და მასში რუსთაველის თეატრის წამყვანი მსახიობები თამაშობენ. პრემიერის ჩაშლის მიზეზი ზურა ინგოროყვას ჯანმრთელობის მდგომარეობის გაუარესება გახდა. „კუჭის პრობლემები მაქვს და პერიოდულად ხანგრძლივ დიეტაზე მიწევს ყოფნა. ჩემი გადატვირთული და არასწორი ცხოვრების რიტმის გამო, ჩამომიყალიბდა კუჭის პრობლემები. რეპეტიციაზე ცუდად გავხდი, კუჭიდან სისხლდენა დამეწყო და სასწრაფოდ დამჭირდა ჰოსპიტალიზაცია. ახლა მხოლოდ წიწიბურას მივირთმევ და ვმკურნალობ“ – განუცხადა „მიუზიკ ბოქსს“ მსახიობმა.