„ყველაფერი დედაჩემის შესახებ“ – გოგი გვახარიას ემოციური მიძღვნა მშობელს…

„ყველაფერი დედაჩემის შესახებ“ – გოგი გვახარიას ემოციური მიძღვნა მშობელს…

გოგი გვახარია მწერალ ალეკო შუღლაძეს „საბას“ მიღებას განსაკუთრებული სტატუსით ულოცავს. როგორც ჩანს, გვახარიასთვის მისი  „გადამალვა“, რომელმაც „საბა“ საუკეთესო რომანის კატეგორიაში მიიღო,  საკმაოდ პირადული წიგნია. ამის შესახებ კინოკრიტიკოსი საკუთარი „ფეისბუქის“ გვერდზე წერს:

„5 წელია, დედას ვუვლიდი. ბევრი რამე ვისწავლე და გამოვცადე. სასოწარკვეთის წუთებიც მახსოვს და ის წუთებიც, როცა ჩემს თავს ვეუბნებოდი, ვინაიდან მჯერა, რომ შემთხვევითობა მართლაც მხოლოდ შემთხვევითობაა, ამ ტანჯვის მიმართ დამოკიდებულება უნდა შევცვალო; მაგალითად, იმ ხალხს ვურჩიო რაღაცები, ვინც ჩემსავით ემშვიდობება ახლა ყველაზე საყვარელ ადამიანს. ჰო, აუცილებლად დავწერ ამის შესახებ, ვფიქრობდი ამას… დღიურების წერაც კი გადავწყვიტე, მაგრამ მერე შემეშინდა (ჩემი კომპლექსები!), რომ „გასაყიდად“ ვამზადებ ყველაზე ინტიმურ გრძნობებს და შევწყვიტე.

ცოტა დრო გავიდა. დაახლოებით 40 დღე გავიდა დედის გარდაცვალებიდან. 40 დღე ვიკავებდი თავს, ვიცოდი, რა წერია “გადამალვაში” და მეშინოდა წაკითხვა. ბოლოს მაინც მოვიდა ჩემთან ეს ტექსტი. ერთ ღამეში წავიკითხე. უკვე მესამე გვერდის კითხვისას ვიგრძენი, რომ ცოცხლდება ჩემი დაუწერელი დღიურები – ზუსტად ისე, როგორც დაიწერებოდა – ყველა სახე, ყველა დეტალი, ეს სასწრაფო დახმარების ექიმი, რომელიც შუაღამეზე გეუბნება, ავადმყოფს ჩვენ ვერ ჩავიყვანთ, მეზობლები გააღვიძეთო და შენ ხვდები, რომ არ გყავს მეზობელი, რომელსაც გააღვიძებ, საერთოდ, სულ მარტო ხარ შენს განსაცდელთან ერთად, ეს ლიფტი, ეს ექიმები… ყველაფერი ზუსტია.. ყველაფერი უკიდურესი სიმართლე; ეს პროცესი სწორედ იმიტომაა საზიზღარი, რომ საყვარელ ადამიანთან დამშვიდობება ნელ-ნელა გაცილებს ამ ადამიანის ტანჯვის შეგრძნებებს და იწყებ საკუთარ ტანჯვაზე ფიქრს. ამის აღიარება რაინდობაა. ამის აღიარებას ერთი რამ სჭირდება – თავისუფლება. ვკითხულობდი ტექსტს და თავისუფლებას ვეზიარებოდი. დავრწმუნდი, რომ შემთხვევითობა არათუ შემთხვევითობაა, შემთხვევითობა არ არსებობს – „გადამალვა“ გზავნილია! ეიზენშტეინის სურათი რომ გამოჩნდა კაბინეტში, აქ უკვე ხარხარი დავიწყე – ასეთი განცდა ორეულისა მე არ მქონია ცხოვრებაში

ორეულს ვერ შეაფასებ. მით უმეტეს არ ვარ ლიტერატურის სპეციალისტი და საერთოდ არ მაინტერესებს ალეკო შუღლაძის წიგნის ლიტერატურული ღირებულებები. ის ვიცი მხოლოდ, რომ ეს ტექსტი მკითხველისადმი დიდი ნდობითაა დაწერილი. ჩემთვის ნდობა მთავარია ცხოვრებაში – ჩვენ ყველანი რაღაცას ვქმნით იმისთვის, რომ ყველაფერთან ერთად სხვასაც მოვაწონოთ თავი. როცა ეს სხვა ამ ნდობას გრძნობს, ჩვენი მარტოობა გადალახულია.

ასე რომ მგონია, დღეს მეორედ მივიღე “საბა”. ჩემმა ორეულმა გაიმარჯვა.

Aleko Shugladze მეც მოგილოცავ, რა“

სიახლეები/

|

October 2, 2017 / 1:11 pm

საკვანძო სიტყვები

TOP სიახლეები

ნატალია ქუთათელაძე: „ერთი წელია, რაც გავთხოვდი და ჩემი ქმარი სულ გზაშია…“

ნატალია ქუთათელაძემ ჯულიარდის ცნობილი სასწავლებელი დაამთავრა და აშშ-დან გერმანიაში გადავიდა, სადაც ბავარიის ცნობილი ოპერის თეატრში მიიწვიეს. მას იქ ერთწლიანი კონტრაქტი აქვს. ნატალია უკვე ერთი წელიწადია, გათხოვილია, მისი მეუღლე აჩიკო ჯაფარიძეა, რომელიც მეორე ნახევარს ხელს უწყობს და მასთან ხშირად ჩადის მიუნხენში. ნატალიამ ამის შესახებ ჟურნალ „თბილისელებთან“ ისაუბრა. გთავაზობთ ნაწყვეტს ინტერვიუდან: გერმანიაში ვისთან ერთად ცხოვრობ? ნატალია ქუთათელაძე: […]

მერაბ სეფაშვილმა 57-ე დაბადების დღე მსმენელთან ერთად აღნიშნა – მომღერლის შვილის დებიუტი სცენაზე

მერაბ სეფაშვილის სოლოკონცერტი 14 ოქტომბერს თბილისის დიდ საკონცერტო დარბაზში სრული ანშლაგის პირობებში გაიმართა. სცენაზე მოღვაწეობის მე-40 წელს მომღერალმა მსმენელისგან უდიდესი სიყვარული და ოვაციები მიიღო. მერაბ სეფაშვილმა თავისი რეპერტუარიდან ბევრი ცნობილი სიმღერა შეასრულა, ბენდთან ერთად. კონცერტის მუსიკალური ხელმძღვანელი გახლდათ დავით მაზანაშვილი, რომლის სოლოშესრულებებით სხვადასხვა კომპოზიციაში მსმენელმა ძალიან ისიამოვნა. მერაბ სეფაშვილმა, თავისი ულევი რეპერტუარის ფონზე და იმის […]

ნანიკო ხაზარაძე:„ხელფასამდე ორი კვირით ადრე საფულე ცარიელია!..“

ნანიკო ხაზარაძე წერს, რომ ხელფასამდე ორი კვირით ადრე თანხა აღარ რჩება ხოლმე ანგარიშზე. ტელეწამყვანმა შესაბამისი სტატუსი ახლახან გამოაქვეყნა სოციალურ ქსელში: „ეს არ ეხება მათ ვინც არ მუშაობთ ❤ და ბევრნი ხართ ასეთი ❤ იგივე ხელფასი მაქვს, რაც მქონდა. ცხოვრების ხარისხი არ გამიუმჯობესებია და ხელფასამდე 2 კვიროთ ადრე საფულე ცარიელია…“ მის სტატუსს უამრავი გამოხმაურება მოჰყვა. ხალხი წერს, რომ ცხოვრება […]

Facebook

რეკლამა

რეკლამა