„Welcome To Georgia – The Musical” მაყურებელს სექტემბრამდე დაემშვიდობა

„Welcome To Georgia – The Musical” მაყურებელს სექტემბრამდე დაემშვიდობა

პარასკევს, 29 ივნისს მუსიკისა და დრამის თეატრში მუსიკალური სპექტაკლის „Welcome To Georgia – The Musical” სეზონის ბოლო  ჩვენება გაიმართა. მიუზიკლის პრემიერა თებერვალში შედგა და პირველ სეზონზე 18 წარმოდგენა ჩატარდა. სპექტაკლებს 2000-ზე მეტი მაყურებელი დაესწრო, მათგან უმეტესობა უცხოელი სტუმარია 60 სხვადასხვა ქვეყნიდან. ახალი სეზონი ამავე წლის სექტემბერში გაიხსნება.

„Welcome To Georgia – The Musical” – ეს არის ინგლისურ ენაზე დადგმული მიუზიკლი, რომელიც მოგვითხრობს ამბავს საქართველოსა და ქართველების შესახებ. წარმოდგენა სპეციალურად ჩვენი ქვეყნის სტუმრებისთვის შეიქმნა და ის რეგულარულად ტარდება მუსიკისა და დრამის თეატრში.

სპექტაკლში მაყურებელი იხილავს ნაციონალურ კოსტიუმებში შესრულებულ ქართულ ცეკვებს, მოისმენს პოლიფონიურ /ქალაქურ სიმღერებს ცოცხალი შესრულებით და გაეცნობა საინტერესო ფაქტებს საქართველოზე, მათ შორის ინფორმაციას  ჩვენი კულტურის, ისტორიის, ყოფის, ადათ-წესების, ღვინისა თუ ქართული სუფრის შესახებ.

მიუზიკლი 90 წუთს გრძელდება და ის აერთიანებს დაახლოებით 20-მდე ქართულ სიმღერასა და ცეკვას, რომლებსაც 19 მსახიობი სცენაზე ცოცხალი შესრულებით წარმოგიდგენთ. დიალოგების უმეტესობა ინგლისურ ენაზე სრულდება, ქართული ტექსტის შემთხვევაში კი მაყურებელი ინგლისურ ტიტრებს იხილავს.

მუსიკალური სპექტაკლი რომანტიული კომედიის ჟანრისაა და მისი ლეიტმოტივი ფრანგი გოგონასა და ქართველი ბიჭის სიყვარულის ისტორიაა, რომელიც კახეთში ვითარდება.

პროექტის მხარდამჭერები არიან: Check In Georgia, საქართველოს ტურიზის ეროვნული ადმინისტრაცია, საქართველოს ეკონომიკისა და მდგრადი განვითარების სამინისტრო და თბილისის მერია. პროექტის მიზნია, სპექტაკლი საქართველოში ჩამოსული სტუმრებისთვის მათი კულტურული პროგრამის განუყოფელი ნაწილი გახდეს.

(ფოტოები)

სიახლეები/

|

July 4, 2018 / 6:34 pm

საკვანძო სიტყვები

TOP სიახლეები

თბილისის ეთნოგრაფიული მუზეუმი გაზაფხულზე – ასეთი სილამაზე არ გინახავთ

ზაქარია ჭელიძის ფოტო თბილისის ეთნოგრაფიული მუზეუმიდან, რომელიც ახლახან არის გადაღებული, ნამდვილად მოგაგონებთ კადრს ფილმიდან. ასეთი სილამაზის ნახვა თავად შეგიძლიათ, თუკი ეთნოგრაფიულ მუზეუმს ესტუმრებით და იქ აყვავებულ იასამნებს ნახავთ. ფოტომ დიდი გამოხმაურება გამოიწვია სოციალურ ქსელებში. „სუნთქვა გამიჩერდა“, წერს ერთ-ერთი კომენტარის ავტორი.

ხაშურის მეოთხე საჯარო სკოლის მოსწავლე პრესტიჟულ ამერიკულ უნივერსიტეტში სრული დაფინანსებით ჩაირიცხა

ხაშურის მეოთხე საჯარო სკოლის „ფეისბუქი“ მკითხველებს ამცნობს, რომ მათი მოსწავლე აშშ-ს ერთ-ერთ პრესტიჟულ უნივერსიტეტში სრული დაფინანსებით ჩაირიცხა. ელენე გოგალაძე ეკონომიკის ფაკულტეტზე ისწავლის უნივერსიტეტში, რომელიც აპლიკანტების 2%-ზე ნაკლებს იღებს ყოველწლიურად. „რა არის საჭირო დიდი მიზნის მისაღწევად? ნიჭი? თავდაუზოგავი შრომა? იღბალი? – დიახ, ეს ყველაფერი და კიდევ მიზანდასახულობა და დიდი სიმამაცე! ყველა ეს თვისება გააჩნია ჩვენი სკოლის […]

ნანი ბრეგვაძისა და სტეფანეს ახალი კლიპი გამოვიდა (ვიდეო)

ნანი ბრეგვაძისა და სტეფანეს ახალი კლიპი სიმღერაზე „ისევ წვიმს“ (კომპოზიტორი: ვაჟა აზარაშვილი, ვერსია: ნიკოლოზ რაჭველი) გუშინ „ნანუკას შოუში“ აჩვენეს. პრემიერის შემდეგ ვიდეორგოლი სტეფანეს ოფიციალური „იუთუბის“ გევრდზე აიტვირთა. გადაღებები სამი ღის განმავლობაში მიმდინარეობდა, რეჟისორი გახლავთ ზაზა ორაშვილი. კლიპს გუშინ საღამოდან უამრავი გაზიარებ აქვს სოციალურ ქსელში. (ვიდეო)

Facebook

რეკლამა

მსგავსი სიახლეები

ქართველი და უცხოელი ვარსკვლავების შთამბეჭდავი კოლაბორაციები – როგორია „ბლექ სი არენას“ წლევანდელი ლაინაფი

„საქართველოს ბანკის“ პარტნიორობით, „ბლექ სი არენას“ 2018 წლის სეზონი ლეგენდარული იტალიელი კომპოზიტორის, ენიო მორიკონეს კონცერტით გაიხსნება. წელს „Check in Georgia”-ს ფარგლებში დაგეგმილი ყველა კონცერტი და ფესტივალი საქართველოს დამოუკიდებლობის აღდგენის 100 წლის იუბილეს მიეძღვნება. 2018 წლის სეზონის გახსნაზე ენიო მორიკონე, რომელსაც 600-მდე მუსიკალური ნაწარმოები აქვს შექმნილი, „ბლექ სი არენაზე“ მსოფლიოში ერთ–ერთ საუკეთესო, რომის სიმფონიურ ორკესტრსა და […]

რეკლამა