თაკო გაჩეჩილაძე თბილისში დაბრუნდა. „ევროვიზიის“ ნახევარფინალში გამოსვლის შემდეგ მან კონკურსი დატოვა, როგორც მოგვიანებით გაირკვა, ის მეათე ადგილზე გასულ კონკურსანტს სულ 16 ქულით ჩამორჩა და მე-11 ადგილი დაიკავა ნახევარფინალში, შესაბამისად, ფინალურ ეტაპზე გადანაცვლება ვეღარ მოახერხა.
თაკომ გამოაქვეყნა პოსტი, სადაც ყველა ადამიანს, რომელიც „ევროვიზიისთვის“ მოსამზადებლად დაეხმარა, მადლობა გადაუხადა.
„რა კარგია სახლში! 🙂
მინდა, მადლობა გადავუხადო მთელ საზოგადოებრივ მაუწყებელს, სრულიად მთელ დელეგაციას, უნიჭიერეს ბექ-ვოკალისტებს, უნიჭიერეს ანრი ჯოხაძეს არაჩვეულებრივი სიმღერის შექმნისთვის, რომელიც ევროპისთვის თურმე ძველმოდური აღმოჩნდა, Bravo Records-ს, Thomas Gson-ს სუპერ „რევამპისთვის“, გიორგი ცაავას და ლეკო ჭყონიას უმაგრესი ფოტოსესიისთვის, სოფო მაჭავარიანს, რომელიც ბოლომდე ჩემ გვერდში იყო თავისი ოქროს ხელებით! Marika Shalika-ს უმაგრესი რეპორტაჟებისთვის, საქართველოს დიასპორის პრეზიდენტს ნიკოლოზ გუგეშაშვილს, საოცარი მასპინძლობისთვის, Sacha Jean-Baptiste უცეცხლესი და მაგარი შოუსთვის, ლაშა ჯოხაძეს, რომელმაც Givenchy -ს haute couture-ს ულამაზესი კაბა შეკერა და არ შემიძლია არ ვახსენო янна, რომელმაც დაამთავრა ბოლომდე ეს კაბა უკვე კიევში:) ასევე მადლობა საქართველოს საელჩოს თბილი მიღებისთვის და რაც მთავარია, თქვენ ყველას, ხალხო! მთელ საქართველოს გიხდით უდიდეს მადლობას ამხელა სიყვარულისთვის და მხარდაჭერისთვის! საქართველო წელს ერთ-ერთი საუკეთესო იყო!
მიყვარხართ და მადლობა!
თუ ვინმე გამომრჩა, გთხოვთ კი არ გამიბრაზდეთ, მაპატიეთ და თავი შემახსენეთ!
გკოცნით ყველას!“ – აღნიშნავს თაკო გაჩეჩილაძე.