პოეტ ნანა ცინცაძის შემოქმედებას, ქართველი საზოგადოება უკვე წლებია იცნობს, თუმცა მან გადაწყვიტა თავისი ლექსების კრებული ერთ წიგნად გამოეცა. “გვიან და ადრე” ასე ჰქვია კრებულს, რომელიც პოეტმა საზოგადოებას მის შემოქმედებით საღამოზე წარუდგინა. მასში მონაწილეობა ქართული ესტრადის არაერთმა შემსრულებელმა მიიღო, მათ შორის იყვნენ ნინო ძოწენიძე, გია ნიკოლაძე, აჩიკო ნიჟარაძე და დათო არჩვაძე, ასევე ანსამბლები: “ქართული ხმები“, “ალილო“ და “ჰანგები“.