სოფო ტოროშელიძე „ევროვიზიაზე“: „უფლებას არ მოგცემთ, რომ კიდევ შემაწმინდოთ ხელი!..“

სოფო ტოროშელიძე „ევროვიზიაზე“: „უფლებას არ მოგცემთ, რომ კიდევ შემაწმინდოთ ხელი!..“

საქართველოს მხრიდან შერჩეულ ხუთკაციან ჟიურის, რომელმაც „ევროვიზიის“ გრანდფინალში მონაწილეებს ქულები დაუწერა, დიდი კრიტიკა შეხვდა ქართველი მსმენელის მხრიდან. სოციალურ ქსელში აქტიურად წერენ, რომ 12 ქულა მათ არა ჩეხეთის წარმომადგენლისთვის, არამედ კვიპროსის კონკურსანტისთვის უნდა დაეწერათ – მოგეხსენებათ, წელს მას ქართველი შემსრულებელი, თამთა გოდუაძე წარდგენდა.

სოციალურ ქსელში ჟიურის წევრების მიმართ შეურაცხმყოფელი კომენტარებიც არ დაიშურეს, რასაც მომღერალი სოფო ტოროშელიძე საკუთარ გვერდზე გამოეხმაურა. მან აღნიშნა, რომ უნდა ყოფილიყო ჟიურის შემადგენლობაში, მაგრამ რიგი მიზეზების გამო, რომლებსაც არ ასახელებს, უარი თქვა, შესაბამისად, კრიტიკას ვერანაირად ვერ მიიღებს.

გთავაზობთ სოფოს სტატუსს:

„ყურადღებით წაიკითხეთ და საერთოდ გაეშვით ჩემი სახელის და გვარის მოხსენიებას ნებისმიერ კომენტარში თუ სტატუსში! ეს განცხადება და სტატია გამოქვეყნდა 30 აპრილს, რომლის შემდეგაც გარკვეული მიზეზების გამო უარი ვთქვი „ევროვიზიის“ ჟიურის წევრობაზე. დღეს არის 19 მაისი! იცით, ძალიან ბევრჯერ გავჩუმდი და ხმა არ მოვიღე, როდესაც ცილისწამება მიდიოდა და ბულინგი ჩემი მიმართულებით, აღარ მინდა სახელები და გვარები ამოვატივტივო და რეალური მიზეზები და პერსონები დავასახელო, ვისი გადაწყვეტილებითაც დატოვეს პროექტები სხვადასხვა ადამიანმა! რატომღაც სხვებს შეგვეწმინდა ხელები მაშინაც! ახლა „ევროვიზიას“ რაც შეეხება, შეგახსენებთ, რომ თამთაც ძალიან კარგი მეგობარია ჩემი, ოთოც და მარიკო ლეჟავა ხომ არის და არის ჩემი უძვირფასესი ადამიანი და მეგობარი! და თუ საჭიროა, სამივეს დავიცავ ისე, როგორც საჭიროა! მაგრამ რაშიც მონაწილეობა არ მიმიღია და საერთოდ არ გავკარებივარ, უფლებას არ მოგცემთ, რომ კიდევ შემაწმინდოთ ხელი!“

30 აპრილს „პირველი არხის“ საიტზე გამოქვეყნებული ინფორმაციის თანახმად, ქართული ჟიურის შემადგენლობაში უნდა ყოფილიყვნენ სოფო ტოროშელიძე, ლევან აბშილავა, მარიკო ლეჟავა, ბორის შხიანი და ხათუნა კობერიძე.

სიახლეები/

|

May 20, 2019 / 2:06 pm

საკვანძო სიტყვები

TOP სიახლეები

ლევან წულაძისა და მანანა კოზაკოვას ერთადერთი ქალიშვილი გაბედნიერდა (ფოტოები)

რეჟისორ ლევან წულაძისა და მსახიობ მანანა კოზაკოვას ერთადერთი ქალიშვილი, თინათინი გათხოვდა. მისი რჩეული გიორგი კოტეტიშვილი გახლავთ. წყვილმა ჯვარი 22 ივნისს დაიწერა. ულამაზესი პატარძლის მშობლები მეორე დღეა, მილოცვებს იღებენ. აღსანიშნავია, რომ შვილის ქორწილში შესანიშნავ ფორმაში იყო მანანა კოზაკოვა, რომელმაც ამ ბოლო დროს წონაში საგრძნობლად დაიკლო. შეგახსენებთ, თინათინიც ხელოვნების სფეროშია დაკავებული. ის მოცეკვავეა და „სუხიშვილების“ ანსამბლში ცეკვავს. […]

ილიკო სუხიშვილი და ბექა გოჩიაშვილი საპროტესტო აქციაზე (ფოტოები)

ილიკო სუხიშვილი, ბექა გოჩიაშვილი, სოფო ბათილაშვილი და აქციაზე დამსწრე მოქალაქეები ფოტოგრაფ ნიკოლოზ ურუშაძის ობიექტივში მოხვდნენ. ყველა მათგანს ცალ თვალზე ხელი აქვს აფარებული აქციაზე დაზარალებული ადამიანების მხარდასაჭერად, რომელთაც ტყვიები თვალებში მოხვდათ… „ევროპას ცალი თვალითაც ვხედავთ…“ – აღნიშნავს ფოტოგრაფი. შეგახსენებთ, რომ რამდენიმე დღეა, რუსთაველის გამზირზე მიმდინარეობს აქცია, რომელიც რუსი კომუნისტი დეპუტატის გავრილოვის საქართველოს პარლამენტის სპიკერის სავარძელში ჩაჯდომას […]

ხატია ბუნიათიშვილი 28 სექტემბერს თბილისში კონცერტს გამართავს

ცნობილი ქართველი პიანისტი, ხატია ბუნიათიშვილი საქართველოში კონცერტს აანონსებს. ოფიციალურ „ფეისბუქ“-გვერდზე მუსიკოსმა განათავსა პოსტი, სადაც აღნიშნავს, რომ ძალიან მოხარულია, რომ 28 სექტემბერს თბილისში კონცერტი ექნება. ღონისძიება ჩანიშნულია ჯანსუღ კახიძის სახელობის მუსიკლაურ ცენტრში. ხატია ბუნიათიშვილი მსმენელის წინაშე თბილისის სიმფონიურ ორკესტრთან ერთად წარდგება, რომელსაც მაესტრო ვახტანგ კახიძე უდირიჟორებს. „ერთი სული მაქვს, როდის ჩავეხუტები ჩემს ქალაქს“.

Facebook

რეკლამა

მსგავსი სიახლეები

„შური კლავს“ – ანრი ჯოხაძე თამთა გოდუაძისთვის 6 ქულის დაწერას ქართულ ჟიურის ვერ პატიობს

თამთა გოდუაძეს „ევროვიზიის“ ქართულმა ჟიურიმ, რომელიც ხუთი ადამიანისგან შედგებოდა, 6 ქულა დაუწერა და ამის გამო ქართველი მსმენელისგან კრიტიკის ქარცეცხლი დაიმსახურა. ამ კუთხით ერთ-ერთი ყველაზე მძაფრი კრიტიკა გამოთქვა მომღერალმა და ტელეწამყვანმა ანრი ჯოხაძემ. გთავაზობთ მის სტატუსს ამ თემაზე: „თამთას 6 ქულა ქართული „პროფესიონალი“ ჟიურისგან. რამდენი ქულაც არ უნდა დაუწეროთ მას, მაინც ვერასოდეს მიაღწევთ თამთას “ლეველს” !!! […]

ოთო ნემსაძე „ევროვიზიაზე“ დღეს წარდგება

საქართველოს სახელით „ევროვიზიის“ საერთაშორისო კონკურსზე ოთო ნემსაძე წარდგება. პირველი ნახევაფრინალური ტური დღეს, 14 მაისს შედგება. პირდაპირი ტრანსლაციის ხილვა შეგიძლიათ „პირველი არხის“ ეთერში. ღონისძიება 23:00 საათზე იწყება. საქართველოს წარმომადგენელი, ანსამბლ „შავნაბადასთან“ ერთად აუდიტორიის წინაშე მე-11 ნომერად წარდგება. ოთო ნემსაძემ უკვე მოუწოდა საზღვარგარეთ მცხოვრებ ქართველებს, უყურონ იმ ქვეყნის საზოგადოებრივ მაუწყებელს, სადაც ცხოვრობენ და მითითებულ ნომერზე დაურეკონ მხარდაჭერისთვის. […]

„ევროვიზიის“ კონკურსისთვის სამი სიმღერა უკვე შერჩეულია

„ევროვიზიის“ სიმღერის 2019 წლის კონკურსისთვის კომპოზიტორის კონკურსის შედეგები ცნობილია. როგორც „პირველი არხი“ იუწყება, კონკურსის შედეგად, 200-ზე მეტი სიმღერა შევიდა. სიმღერის შერჩევის პროცესი სამი ტურისგან შედგებოდა. პირველი ტურზე შეირჩა 50 სიმღერა, მეორე ტურში – 12, მათგან საუკეთესოები კი ჟიურიმ გამოავლინა. გამარჯვებული ავტორები არიან: ლევან ბაშარული, რომა გიორგაძე, თამარ ბაბილუა. შეგახსენებთ, რომ „ევროვიზიის“ მონაწილე „საქართველოს ვარსკვლავის“ ფინალურ […]

სოფო ტოროშელიძის ახალი სიმღერა, რომლის ვიდეოს რეჟისორიც თავად არის

სოფო ტოროშელიძის ახალი ვიდეო „იუთუბზე“ ახლახან განთავსდა. როგორც მომღერალი ვრცელ სტატუსში აღნიშნავს, რომელიც სოციალურ ქსელში გამოაქვეყნა, ჰყავს ძალიან ბევრი მეგობარი, რომლებიც შემოქმედებითად დანებების საშუალებას არ აძლევენ. ახალი სიმღერა სახელად „ინსომნია“ სტილისტურად ძალიან ჰგავს ბიორკის მუსიკას. ვიდეორგოლის რეჟისორი თავად სოფო გახლავთ, ოპერატორი კახა ბუხრაშვილია, ხოლო დრონზე ლევან აბულაძემ იმუშავა. პროფესიონალების ხელი კლიპს აშკარად ეტყობა, რომელიც ძალიან […]

„საქართველოს ვარსკვლავი“ „პირველ არხზე“ გავა – გამარჯვებული „ევროვიზიაზე“ გაემგზავრება

როგორც „პირველი არხი“ იუწყება, მათ ეთერში მალე მუსიკალური პროექტი „საქართველოს ვარსკვლავი“ გავა, რომელსაც „ნოვა პროდაქშენსი“ მოამზადებს. ეს არის კომპანია, რომელიც „რუსთავი 2“-დან „იმედში“ გადასულ ცნობილ ტელეპროდიუსერებს, გიორგი ხაბურზანიასა და დემნა ჯაფარიძეს ეკითვნით. მათ „იმედზე“ კონტრაქტი დაუმთავრდათ, რომელიც აღარ გაგრძელდა და ისინი დამოუკიდებლად აგრძელებენ საქმიანობას, საკუთარ პროექტებს კი სხვადასხვა ტელევიზიას შესთავაზებენ. მეგაპროექტ „საქართველოს ვარსკვლავის“ გამარჯვებული 2019 […]

რეკლამა