„ოსკარის“ ნომინანტი ქართველი რეჟისორის „აღსარება“ – ფილმი, რომლის მოულოდნელმა ფინალმა მსახიობი აატირა

„ოსკარის“ ნომინანტი ქართველი რეჟისორის „აღსარება“ – ფილმი, რომლის მოულოდნელმა ფინალმა მსახიობი აატირა

26 ოქტომბრიდან „მანდარინების“ რეჟისორი ზაზა ურუშაძე ახალ ნამუშევარს წარმოგვიდგენს. „აღსარება“ ქართულ კინოთეატრებში გამოდის. ფილმის შემოქმედებითი ჯგუფი დღეს კინო „ამირანში“ შეკრებილ ჟურნალისტებს შეხვდა, სადაც ფილმის გარშემო ისაუბრეს. ფილმის დახურული ჩვენება მედიისთვის დღეს საღამოს იმართება.

„აღსარება“ ქართულ-ესტონური ნაწარმია, მაგრამ უფრო მეტად ქართული. „მანდარინების“ რეჟისორს „ოსკარის“ ნომინაცია ქართული სახელმწიფოსგან გარკვეული ფულადი პრემია მოუტანა, რაც ახალი ფილმის გადასაღებად გამოიყენა. ფილმი 41 დღეში გადაიღეს. როგორც მსახიობებმა, დიმიტრი ტატიშვილმა, სოფია სებისკვერაძემ და სოსო ხვედელიძემ აღნიშნეს, მუშაობა პროფესიონალურ გარემოში მიმდინარეობდა. დიმიტრი ტატიშვილის თქმით, რომელსაც კინოსურათში მთავარი, მღვდლის როლი ერგო, როლის შესრულება ზაზა ურუშაძის ფაქტორმა გაუადვილა, რომელმაც ზუსტად იცის, რა სჭირდება მსახიობისგან და ყველაზე ეპიზოდის წინ კონკრეტულ მითითებებს აძლევს.

ფილმი არის მღვდლის შესახებ, რომელსაც ერთ-ერთ სოფელში გაანაწილებენ. მას თან მორჩილიც მიჰყვება (სოსო ხვედელიძე). მღვდელს აფრთხილებენ, რომ სოფელში არცთუ კეთილგანწყობილი ხალხი ცხოვრობს…

როგორც პრესკონფერენციაზე რეჟისორმა აღნიშნა, მისი მოსაზრებით, ფილმს მაყურებლისგან დადებითი შეფასება მოჰყვება და ინტერესს გამოიწვევს. კინოსურათს უკვე აქვს საფესტივალო ისტორია და კვლავ აგრძელებს სხვადახვა ფესტივალში მონაწილეობას. რაც შეეხება „საოსკარე“ მოლოდინებს, ჯერჯერობით, როგორც ზაზა ურუშაძემ მედიასთან შეხვედრისას აღნიშნა, ამ მხრივ არანაირი სიახლე არ არის.

ზაზა ურუშაძე, რეჟისორი:

ვფიქრობ, მსახიობები წარმატებულად შევარჩიე. სოფია სებისკვერაძე თავიდანვე მინდოდა ამ როლზე, სერიოზული შერჩევა გაიმართა. არა მარტო ქართულ კინოში, არამედ ზოგადადაც, პრობლემაა მსახიობების ბუნებრივი თამაში, რაც, მგონია, რომ ჩვენს ფილმს არ აკლია. ოდნავ სიყალბე ჩანს ხოლმე თამაშში,რაც „აღსარებაში“ არ არის. ფილმის ოპერატორია გიორგი შველიძე, მასთან ერთად მიმუშავია „სამ სახლზე“ და ვფიქრობ, „აღსარებაც“ ამ მხრიც, საინტერესო ნამუშევარია.

დიმიტრი ტატიშვილი, მსახიობი:

ადრეც განმისახიერებია მღვდელი და ვფიქრობ, ცოტა ხანს თავს შევიკავებ ამგავრი როლის განსახიერებისგან (იცინის). ზოგადად, ზაზასთან მუშაობა ძალიან ადვილია, რადგან პირველ რიგში, აქვს პროფესიონალების შეკრების უნარი, ადამიანებისა, რომლებმაც გადასაღებ მოედანზე თავიანთი საქმე შესანიშნავად იციან. გარდა ამისა, ზაზა მსახიობს ეუბნება იმას, რაც იმ წუთას გჭირდება, იცის, რა უნდა მსახიობისგან. სირთულე ის გახლავთ, რომ ზაზა ითხოვს მაღალ ხარისხს, თუმცა ის გიქმნის კიდევაც შესაბამის პირობებს. ამიტომაც მასთან მუშაობა ძალიან საპასუხისმგებლოა. ასეთ პირობებში მუშაობა არა მხოლოდ საქართველოში, ბევრგან სანატრელია.

სოსო ხვედელიძე, მსახიობი:

ძალიან საინტერესო იყო ზაზასთან მუშაობა. ის ძალიან დიდი პროფესიონალია და მსახიობისთვის დიდი ფუფუნებაა პროფესიონალ რეჟისორთან მოხვედრა. მსახიობისთვის რთულია, როცა შენგან შორს ეძებ რაღაც წერტილს, ასეთ დროს როლის შესასრულებლად დიდი ძალისხმევა გჭირდება, მაგრამ უფრო საინტერესოა.

კინოში მუშაობა ძალიან მიყვარს, ყველაზე მეტად სერიალზე მუშაობისას, „ტიფლისს“ ვგულისხმობ, ვიგრძენი ეს. იქაც ჩემი თავისგან განსხვავებულ ადამიანს ვასახიერებდი. ეს ბევრად კარგია, ვიდრე ისეთი პერსონაჟის თამაში, ვინც შენთან ახლოსაა. შემისრულებია ასეთი როლი და ნაკლებად დავუინტერესებივარ. აქვე მინდა აღვნიშნო, რომ „აღსარებაში“ ჩემი როლი სრულიად განსხვავებულია „ტიფლისის“ ნაპოლეონისგან…

სახასიათო მსახიობად ხომ არ ჩამოყალიბდებით, რომელსაც რეჟისორები ასეთ როლებს ანდობენ?

არ მინდა, ერთი ტიპის მსახიობად ჩამოვყალიბდე. ნაპოლეონი „ტიფლისიდან“ აგრესიის მსხვერპლი იყო, „ხელოვნულ სუნთქვაში“ ჩემი პერსონაჟი თავად იყო აგრესიული, „აღსარებაში“ კი ჩემი პერსონაჟი სუსტი და მშიშარაა. ბოლო სცენაში, სადაც არავის უთხოვია, იტირეო, მოულოდნელად ავტირდი. ფინალი იმდენად მოულოდნელია, რომ ვერ შევიკავე თავი და ავტირდი… ორ დღეს ვიღებდით ამ სცენას, პირველ ჯერზე ალბათ ტექსტს ვეღარ გავაგრძელებდი, მეორე დილას გადავიღეთ. გამიჭირდა მისი საქციელის გადახარშვა, ზოგადად, ემოციური ადამიანი ვარ, ძალიან მარტივად შეიძლება, რაღაცამ ამატიროს. არ ვიცი, მაყურებელი იტირებს თუ არა, რადგან მე ეს ფილმი მიყვარს და მას სუბიექტურად ვუყურებ…

იმედია, მაყურებელიც შეიყვარებს…

მადლობა, იმედია (იღიმის).

ნინო მურღულია

სიახლეები/

|

October 24, 2017 / 2:51 pm

საკვანძო სიტყვები

TOP სიახლეები

ირაკლი მაქაცარია უკრაინულ „ცეკვავენ ვარსკვლავებში“ მონაწილეობს (ვიდეო)

ბიზნესმენი და „პრაიმშოუს“ წამყვანი, უკრაინაში კარგად ცნობილი შოუს „მარტოხელას“ პოპულარული ქართველი მონაწილე, ირაკლი მაქაცარია, უკრაინულმა არხმა „1+1“ საცეკვაო შოუში მიიწვია. „ცეკვავენ ვარსკვლავებში“ მას უკვე პრომოც ჩაუწერეს და შემოდგომიდან მონაწილეებს შორის იქნება, რომლებიც პირველი ადგილის მოსაპოვებლად იბრძოლებენ. ირაკლის უკვე აქვს გამოცდილება მიღებული ამ შოუს ქართულ ვერსიაში, ასე რომ, შესაძლოა ითქვას, მას უკრაინაში იგივე შოუში გამოსვლა ნაკლებად […]

ექიმ კოტე მათითაშვილსა და დიზაინერ ეკა ბალანჩივაძეს რომანი აქვთ

ერთ-ერთ ყველაზე სიმპათიურ ექიმად აღიარებული კოტე მათითაშვილი გადაცემა „ექიმების“ წამყვანი გახლავთ, რითაც ფართო პოპულარობა და თაყვანისმცემელთა არმია შეიძნა სუსტ სქესს შორის. აქამდე პირადი ცხოვრების შესახებ ნაკლებად საუბრობდა და არც ფოტოების გამოფენა უყვარდა ამ თემაზე, თუმცა მცირე ხნის წინ, სოციალურ ქსელში მის გვერდზე დიზაინერ ეკა ბალანჩივაძესთან ერთად გადაღებული საერთო ფოტოები გამოჩნდა. როგორც ფოტოებიდან ჩანს, წყვილი გრძნობებს […]

24 აგვისტოს ჯგუფი „სახე“ „ბლექ სი არენაზე“ სოლოკონცერტს გამართავს

24 აგვისტოს, „ბლექ სი არენაზე“, „ჩექ ინ ჯორჯიას“ ფარგლებში კიდევე რთი ღონისძიება ანონსდება. ჯგუფი „სახე“ 20 წლის განმავლობაში დაგროვებულ ყველა ჰიტს შეასრულებს, ათ ახალ სიმღერასაც წარუდგენს მაყურებელს და ახალ ალბომსაც. ეს ყველაფერი შეკვეთილში მდებარე გრანდიოზული არენის სცენაზე მოხდება. ბიჭები უკვე აქტიურად ემზადებიან დიდი კონცერტისთვის, სადაც „სახისთვის“ სპეციალურად შექმნილი ბენდი იქნება წარმოდგენილი, ასევე სტუდია „სახის“ მოსწავლეები […]

Facebook

რეკლამა

[bsa_pro_ad_space id=1]

მსგავსი სიახლეები

„ოსკარის“ ნომინანტი ქართველი რეჟისორის ფილმი მალე ქართულ კინოთეატრებში გამოდის

„ოსკარის“ ნომინანტი ქართველი რეჟისორი ზაზა ურუშაძე ბოლო პერიოდის განმავლობაში ახალ ფილმზე მუშაობდა. „მანდარინების“ ავტორის ახალი ფილმი „აღსარება“ მალე ქართულ კინოთეატრებში გამოჩნდება. ამას იუწყება პოსტერი, რომელიც კინო „რუსთაველის“ გვერდზე გაზიარდა. შეგახსენებთ, რომ ფილმში მთავარ როლს დიმიტრი ტატიშვილი განასახიერებს. მისი გმირი მღვდელია, რომელიც ერთ-ერთ სოფელიში ჩადის. მას აფრთხილებენ, რომ იქ არცთუ კარგი ხალხი ცხოვრობს… დიმიტრი ტატიშვილთან ერთად, […]

ზაზა ურუშაძის ახალი ფილმი „აღსარება“ – ნახეთ პირველი ტრეილერი!..

ზაზა ურუშაძის ახალი ფილმი „აღსარება“, რომელზეც რეჟისორი ბოლო წელიწადია, მუშაობს, თითქმის დასრულებულია. რეჟისორმა ახლახან საკუთარი „ფეისბუქის“ გვერდზე გამოაქვეყნა ფილმის ტრეილერი. მთავარ როლს მსახიობი დიმიტრი ტატიშვილი განასახიერებს. ის თამაშობს სასულიერო პირს, რომელიც ჩადის სოფელში, სადაც ეკლესიაში დიდი ხანია, წირვა არ შესრულებულა… მამაოს აფრთხილებენ, რომ წინ რთული გზა ელის, რადგან სოფელში არცთუ კარგი ხალხი ცხოვრობს. ჯერჯერობით უცნობია, […]

რას წერს “The Hollywood Reporter” ზაზა ურუშაძის ახალ ფილმზე?

გაყიდვების საერთაშორისო კომპანიამ "Picture Tree International" - ზაზა ურუშაძის ახალ ფილმზე - „ბერი" (MONK) საერთაშორისო უფლებები მოიპოვა. ამის შესახებ გამოცემა "The Hollywood Reporter" წერს.

ქართული “მოირა” “ოსკარს” მიღმა დარჩა

როგორც ქართველი კინოკრიტიკოსები წინასწარმეტყველებდნენ, ლევან თუთბერიძის "მოირამ" ზაზა ურუშაძის "მანდარინების" წარმატება ვერ გაიმეორა და ამერიკის კინოაკადემიის ჯილდოს მოსაპოვებლად მეორე ეტაპს გამოეთიშა. 9-ფილმიან ჩამონათვალში, შორტლისტში, სამწუხაროდ, მისი ადგილი ვერ მოიძებნა.

“ოსკარის“ ნომინანტი ზაზა ურუშაძე ახალ ფილმზე მუშაობს – გადაიღებს თუ არა ილო ბეროშვილს

ზაზა ურუშაძე 2016 წლის გაზაფხულზე ახალ ფილმს გადაიღებს. სახელწოდება ცნობილია - "სტუმარი“. რეჟისორს დეტალებისთვის მას შემდეგ შევეხმიანეთ, რაც ჟურნალ "სარკეში“ გავეცანით იუმორისტისა და მსახიობის, ილო ბეროშვილის ინტერვიუს, რომელმაც შემდეგი რამ განაცხადა: "მივიღე შემოთავაზება კინოდან. რეჟისორი ზაზა ურუშაძე იღებს ფილმს, მაგრამ ჯერჯერობით ვერაფერს დავაკონკრეტებ, წინასწარ საუბარი არ მიყვარს“. დავინტერესდით ახალი ფილმით და მისი პერსონაჟებით, თუმცა რეჟისორს ძალიან გაუკვირდა, როდესაც ილო ბეროშვილი ვახსენეთ.

რეკლამა