ნიკოლოზ რაჭველი: „მე, საბედნიეროდ, არ ვარ არც ჯანსუღ კახიძის შვილი, არც გაიოზ კანდელაკი არის ჩემი მამა…“

ნიკოლოზ რაჭველი: „მე, საბედნიეროდ, არ ვარ არც ჯანსუღ კახიძის შვილი, არც გაიოზ კანდელაკი არის ჩემი მამა…“

ნიკოლოზ რაჭველი ფილარმონიის გარშემო ატეხილ აჟიოტაჟს კიდევ ერთხელ ეხმაურება, ამჯერად „ფეისბუქ“-სტატუსით. საქართველოს ეროვნული სიმფონიური ორკესტრი ითხოვს, რომ თბილისის დიდი საკონცერტო დარბაზი მათ გადაეცეთ. ნიკოლოზ რაჭველმა ვრცელ პოსტში კიდევ ერთხელ ისაუბრა ამ საკითხის ირგვლივ და აღნიშნა, რომ ასჯერ მეტად მოტივირებულია და მზად არის, საკუთარ თავსა და შესაძლებლობებს გადააბიჯოს:

„დღეს, როცა მე და ჩემი კოლეგები უძვირფასესი ბაბის ამ ქვეყნიდან უსამართლოდ და ძალიან ნაადრევად წასვლას ვგლოვობთ, როდესაც მთელი სახელოვნებო სამყარო უდიდეს არტისტს ნოდარ მგალობლიშვილს ვეთხოვებით, დღეს, როდესაც მხოლოდ იმით უნდა ვხარობდეთ რომ მოსიარულე ლეგენდას გურამ დოჩანაშვილს მე-80 საიუბილეო წელი შეუსრულდა და კვლავ აგრძელებს შედევრების შექმნას განვიცდი, რომ მაინც მიწევს ბოლო დღეებში ჩვენი ეროვნული ორკესტრის და ფილარმონიული დარბაზის ირგვლივ განვითარებულ მოვლენებზე თქვენი ყურადღების მოპყრობა.

უპირველესად გიხდით უდიდეს მადლობას ასეთი გულუხვი მხარდაჭერის და თანადგომისთვის.

შეძრული ვარ ემოციურად, ასჯერ მეტად მოტივირებულიც, რომ საქმის საკეთებლად საკუთარ თავსა და შესაძლებლობებს გადავაბიჯო!

ამის გამო გუშინ კულტურის მინისტრის მოადგილე ორკესტრისადმი ჩამოშორებით დამემუქრა კიდევაც… შეეცადა საზოგადოებრივი აზრის ფორმირების მცდარი მიმართულებით ჩამოყალიბებასაც…

დამერწმუნეთ, ერთი წუთითაც არ იფიქროთ, რომ ჩვენს სახელმწიფოს, რომელსაც არაერთი სოციალურად პრიორიტეტული საჭიროებისთვის აქვს თანხები დასახარჯი, მე მილიონები მოვთხოვე ახალი დარბაზის ასაშენებლად! ძალიან გულდასაწყვეტია, თუ კი ვინმე ასე იფიქრებს.

პირიქით, მეც და ორკესტრის თითოეული მუსიკოსი სრულიად გააზრებულად მივუდექით ჩვენი პრობლემის სახელმწიფოებრივად გადაწყვეტის საკითხს და ყოველგვარი მილიონების დახარჯვის საპირისპირო იდეით მივმართეთ 1 წლის წინ ჯერ თავად მიხეილ გიორგაძეს, შემდგომ ფილარმონიის მართვის მის მეგობართა ჯგუფს, შემდგომ კი მთავრობას.

ჩვენს არქივებში არსებულ ყველა მიმოწერას ლაიტმოტივად გასდევდა სწორედ ერთი მთავარი თემა: მაშინ როდესაც არსებობს სახელმწიფო ფილარმონია (წელიწადში თითქმის 300 დღე რომ დაკეტილია), რომელსაც სჭირდება კონცერტები და არსებობს აგრეთვე სახელმწიფო ორკესტრი, რომელსაც სჭირდება დარბაზი, რატომ უნდა დაიხარჯოს თუნდაც ცხრა ან თხუთმეტი მილიონი ლარი ახალი და უხარისხო საკონცერტო დარბაზის ასაშენებლად. ამ იდეისგან ფილარმონიის მმართველებმა თავი შეიკავეს, მიხეილ გიორგაძემ ამ იდეის დავიწყება მთხოვა და კვლავ მოთმინებით დალოდების რეჟიმში გადავინაცვლეთ, რადგან ვიცოდით, რომ სახელმწიფო ოდესღაც მიიღებდა ღირსეულ და სამართლებრივად სწორ გადაწყვეტილებას. ბოლო პერიოდში კი, როდესაც ქვეყნის მართვას ახალი სამთავრობო გუნდი შეუდგა, ცხადია, კვლავ შევახსენე ჩვენი სატკივარი და დარბაზის აშენებას და უკვე აშენებული ფილარმონიაში ჩვენს მოღვაწეობას შორის არჩევანის გაკეთება ვთხოვე. პრემიერ-მინისტრმა, რომელთანაც მართლა შთამბეჭდავი შეხვედრა მქონდა, ზუსტად გაიზიარა ჩემი ხედვა ჩვენს ქალაქში ნამდვილი ფილარმონიული ცხოვრების აღდგენის შესახებ. ფილარმონია ფილარმონიულ ორკესტრს – ეს სლოგანი ჩვენმა მსმენელებმა მოიფიქრეს და ამის უკან არა მხოლოდ ერთი მიმდინარეობის მუსიკაა, ეს სიტყვები გულისხმობს სიცოცხლეს, რომელიც უნდა დაუბრუნდეს მუსიკას და მუსიკოსებს საქართველოში. და ვერავინ ვერსად და ვერასდროს გაუგებს არტისტზე მეტად არტისტებს!!!

მე, საბედნიეროდ, არ ვარ არც ჯანსუღ კახიძის შვილი, არც გაიოზ კანდელაკი არის ჩემი მამა, არც საბჭოთა კავშირი ცეკას ჩინოსანი იყო ჩემი წინაპარი, ჩემი მშობლები უბრალო, შეჭირვებული მაგრამ ღირსეული მოქალაქეები იყვნენ, არასდროს ჰქონდათ პრეტენზია, რომ ცნობილი გავმხდარიყავი და არც იმის საშუალება გააჩნდათ, მემკვიდრეობით დაეტოვებინათ ჩემთვის ორკესტრი და დარბაზი. აქამდე ყველაფერს მუსიკის დიდი წყალობით მივაღწიე, რომ არა ჩემი ძვირფასი ხალხის, ორკესტრის და ჩემი მსოფლიოში წარმატებული ყველა თაობის კოლეგების გამუდმებული გვერდში დგომა, ალბათ, გამიჭირდებოდა გავმკლავებოდი სწორედ ასეთი განებივრებული შვილების წინაღობებს. სინამდვილეში ეს არც მათი ბრალია, სინამდვილეში ჩვენ ახლა ვსწავლობთ სამოქალაქო ცხოვრებას, რადგან მახინჯმა საბჭოეთმა დაგვავიწყა, რომ სინამდვილეში ქვეყანა არა მხოლოდ ერთეულების, არამედ თითოეული ჩვენგანის ასაშენებელი და დასაცავია!

და აი, ჩემი გულიდან ამოსული თხოვნა: მომეცით საშუალება, ფრთაგაშლილმა მივიღო მონაწილეობა ამ მშენებლობაში, ოღონდ თქვენთვის და თქვენთან ერთად“.

სიახლეები/

|

March 27, 2019 / 2:13 pm

საკვანძო სიტყვები

TOP სიახლეები

კიმ კარდაშიანი ქართველი დიზაინერის სამოსით გამოჩნდა

39 წლის ვარსკვლავი კიმ კარდაშიანი ამჯერად პაპარაცებმა მაშნ დააფიქსირეს, როდესაც ის მანქანაში ბენზინის ჩასასხმელად გაჩერდა. ჩვენი ყურადღება კი ამ სიახლემ იმით მიიქცია, რომ კიმს ამჯერად ქართველი დიზაინერის სამოსი აქვს მორგებული. ტყავის კომბინიზონი, რომელიც ირაკლი რუსაძის მიერაა შექმნილი ბრენდისთვის Situationist. ეს არის რუსაძის ერთ-ერთი ნამუშევარი 2017-2018 წლის შემოდგომა-ზამთრის კოლექციისთვის. (ფოტოები)

სალომე ბაკურაძე 36 წლისაა

დღეს სალომე ბაკურაძის დაბადების დღეა. მომღერალს 36 წელი შეუსრულდა. დილიდან მისი ფეისბუქის გევრდზე არ წყდება მისალოცი პოსტები. ერთ-ერთი პირველი, რა თქმა უნდა, მისი მეუღლე, ლაშა ბასლანძე გახლდათ. ლაშამ მეუღლეს დიდი და ულამაზესი თაიგული მიართვა და დაწერა: “მადლობა სამყაროს, რომ შენ გაჩნდი ჩემთვის ამ ქვეყანაზე 💫 მიყვარხარ და ჩემს თავს ვულოცავ შენს დაბადებას! ❤️ იმიტომ, რომ […]

ნიკოლოზ კანდელაკი „გრემის“ აკადემიის წევრად აირჩიეს

„ისთერნ ფრომოუშენსის“ დამფუძნებლის, კახა კანდელაკის შვილი, რომელიც აშშ-ში შოუბიზნესის სფეროში მუშაობს და ნიკ უესტისა და მეისი გრეის ტურმენეჯერი გახლავთ, ახლახან „გრემის“ აკადემიის წევრად აირჩიეს. ნიკოლოზ კანდელაკს ამის შესახებ შეტყობინება მას „გრემის“ საორგანიზაციო ჯგუფიდან მცირე ხნის წინ მიუვიდა. მიღებული წერილი მან თავად გამოაქვეყნა სოციალურ ქსელში. ნიკუშამ დაწერა: „დღეს მომივიდა მოწვევა „გრემიდან“ და შემატყობინეს, რომ გავხდი „გრემის“ […]

Facebook

რეკლამა

მსგავსი სიახლეები

„დიდი სცენის“ ჟიურის ნიკოლოზ რაჭველი შეუერთდა – „კონცერტებს ვეღარ ვატარებთ და ესღა დაგვრჩენია“

„დიდი სცენა“ მალე „რუსთავი 2“–ის ეთერში მეორე სეზონს დაიწყებს. არხის ხელმძღვანელობის გადაწყვეტილებით, ტელეკომპანიის საზაფხულო ბადე ძალიან დატვირთული იქნება, მათ შორის, მუსიკალური მეგაპროექტითაც. ჟიურის სულ სამი წევრი ეყოლება, წინა სეზონიდან – ნატო მეტონიძე და გიორგი ცაგარელი რჩებიან, და მათ შემოემატა ყველასთვის საყვარელი მაესტრო, ნიკოლოზ რაჭველი. მუსიკოსებისთვის შოუში მონაწილეობა, ხანგრძლივი კარანტინის შემდეგ, როცა კონცერტების ბედი გაუკვეველია, ორმაგად […]

ვიდეო: ნიკოლოზ რაჭველი – “საჭმლის მომზადება ვისწავლე…”

“მთავარი არხი” დირიჟორსა და კომპოზიტორს, ეროვნული სიმფონიური ორკესტრის ხელმძღვანელს, ნიკოლოზ რაჭველს შინ ესტუმრა. როგორც აღმოჩნდა, მაესტრო უპირატესობას ჩაის ანიჭებს, მაგრამ დილას აუცილებლად ჭიქა ყავით იწყებს. კარანტინის პერიოდში მან კერძების მომზადება ისწავლა. როგორც თავად ამბობს, მოამზადა გამომცხვარი ორაგული და ასევე სხვადასხვა ტიპის პასტა ანიტა რაჭველიშვილის რეცეპტებით. კარანტინის დროს, როგორც “მთავარი არხის” რესპონდენტი აღნიშნავს, მუსიკალურად არ უაქტიურია. […]

ნიკოლოზ რაჭველს მეორმოცე დაბადების დღე პომპეზურად მიულოცეს (ვიდეო)

ნიკოლოზ რაჭველი 15 მაისს 40 წლის გახდა. მისმა მეგობრებმა, ნატო მეტონიძემ, ნინო ქათამაძემ, ეკა მამალაძემ, ანსამბლმა „შვიდკაცამ“, აჩიკო ნიჟარაძემ ეს დღე პირდაპირ სცენაზე მიულოცეს. რასაკვირველია, მაესტრო თავად უწევდა მომღერლებს აკომპანემენტს. სცენაზე დიდი მხიარულება სუფევდა. ბახვა ბრეგვაძემ კი ნიკოლოზ რაჭველს ტორტი მიართვა. (ვიდეო)

ნიკოლოზ რაჭველი 40 წლის გახდა – „11 ოპერაცია მაქვს გამოვლილი, კლინიკური სიკვდილის ჩათვლით….“

ნიკოლოზ რაჭველი დღეს იუბილარია. 15 მაისს მას 40 წელი შეუსრულდა. მაესტრომ გამოაქვეყნა პოსტი, სადაც თავისი განვლილი ცხოვრების შესახებ ემოციურად საუბრობს. გთავაზობთ მის პოსტს: „ჩემი ცხოვრების 39 წლის განმავლობაში ძალიან ბევრი რამ გადამხდა თავს, სიხარულიც და ტკივილიც, ბედნიერებაც და სევდაც, წარმატებაც და შეცდომებიც… მაგრამ ერთი რამ ზუსტად ვიცი: ყველა, სულ ყველა, ვისაც ვიცნობ და ვისაც არ […]

ლიზა ბაგრატიონისა და ნიკოლოზ რაჭველის დუეტი, რომელმაც სოცქსელები დაიპყრო (ვიდეო)

„იმედის დილამ“ რამდენიმე საინტერესო რესპონდენტი შეკრიბა და ისინი ბათუმში დაპატიჟა ერთი დღის გასატარებლად. რესპონდენტებს შორის იყვნენ ისეთი ადამიანები, რომლებსაც არ უყვართ ხშირად მედიის წინ გამოჩენა და ინტერვიუების მიცემა, მათ შორის ლიზა ბაგრატიონი, გიორგი ცაგარელი, კორძი და სხვები. დიდი ხნის მეგობრებმა და კოლეგებმა, ლიზა ბაგრატიონმა და  ნიკოლოზ რაჭველმა დუეტი შეასრულეს, რომელმაც სოციალურ ქსელებში დიდი რეზონანსი გამოიწვია. […]

რეკლამა