„ნანუკას შოუს“ გეი სტუმარი: „ამ გადაცემის მიჭრილ-მოჭრილი იდიოტობის კრიტიკის თავი აღარ მაქვს…“

„ნანუკას შოუს“ გეი სტუმარი: „ამ გადაცემის მიჭრილ-მოჭრილი იდიოტობის კრიტიკის თავი აღარ მაქვს…“

„ნანუკას შოუს“ გუშინდელი გადაცემა ლგბტ თემის პრობლემებს მიეძღვნა. როგორც ნანუკამ აღნიშნა, „რუსთავი 2“ იქნება პირველი არხი, რომელიც ლგბტ პირებს ეთერში წამყვანებად დასვამს და უმცირესობების თემას გადაცემას მიუძღვნის. ამაზე სასაუბროდ ამ თემის წარმომადგენლები, ასევე არხის დირექტორი ნიკა გვარამია და სპორტსმენი დათო ქაცარავა შეიკრიბნენ.

მათ შორის ერთ-ერთი სტუმარი გახლდათ კობა ბიწაძე, რომელიც ღიად საუბრობს საკუთარ სექსუალურ ორიენტაციაზე.

გადაცემის ეთერში გასვლის შემდეგ, კობა ბიწაძემ ვრცელი სტატუსი დაწერა და აღნიშნა, რომ დედამისს ახლობლები და ე.წ. კეთილიმსურველები ურეკავენ… ასევე ის დასძენს, რომ „ნანუკას შოუში“ მისი საუბარი „მიჭრილ-მოჭრილი“ იყო.

გთავაზობთ სრულად კობა ბიწაძის პოსტს:

„ახლა ვარ ყველაზე ცუდად. დედა, ვინც ყველაზე მეტად მიყვარს, ვის გამოც ამ ჩამყაყებული ქვეყნიდან არ ვფიქრობ წასვლაზე და მშვიდად ცხოვრებაზე, მეუბნება რომ თავს ვჭრი და არ უნდა ვიყო საჯარო. ამის მიზეზი კი ის არის, თუ რას იფიქრებენ სხვები. ეშინია, რომ სამსახურიდან გამოაგდებენ ჩემს გამო, ეშინია, რომ ქუჩაში მიცნობენ და მომკლავენ, ეშინია, რომ ამის გამო მომავალი არ მაქვს და ა.შ.

როცა ოჯახმა ჩემი სექსულური ორიენტაციის შესახებ გაიგო, დიდი გზა გავიარეთ ერთად. ბევრი ჩავარდნებით, მაგრამ მაინც მივიწევდით წინ, რომ არა დედის ეს აკვიატებული სირცხვილის იდეა იმაზე, თუ რას იფიქრებენ სხვები. და ეს სირცხვილის განცდა, რომელიც იმ შიშებს უკავშირდება, რაც მას აწუხებს, სულაც არ არის თითიდან გამოწოვილი სისულელე. პირველივე კადრში გამოჩენისთანავე, უკვე ატეხეს ვიღაცებმა მასთან რეკვა, კიდევ ერთხელ რომ დაარცხვინონ ჩემ გამო და „კეთილი რჩევები“ მისცენ იმაზე, რომ მე ექიმი მჭირდება.

ვახ დედა, როგორ მიკვდება გული, მუდმივად ვუმეორებ, რომ პრობლემის ფოკუსი გაასწოროს და პრობლემა ჩემში კი არა, იმ ადამიანებში ეძებოს, ვინც ჩემ გამო მის დარცხვენას ცდილობს. მაგრამ რა გააკეთოს? ყველაზე მეტად ამ ფოკუსის გასწორების ეშინია, რადგან დამოკიდებულია მის სამსახურზე, იმით არჩენს თავს და ოჯახის სხვა წევრებს, იმით ყიდულობს წამლებს… მართლა რომ გამოაგდონ, სად უნდა წავიდეს? რა უნდა გააკეთოს? დამოკიდებულია მის ნათესავებზე და მეგობრებზე, რადგან მარტო ხომ ვერ დარჩება ოთხ კედელში გამოკეტილი? თუმცა მთავარი პრობლემა ისაა, რომ ამ ენალაქია „კეთილის მოსურნეებთან” დაპირისპირების ეშინია, რადგან ამას ვერ შეძლებს და ამ სიტუაციაში ის ჩემზე მეტად მოწყვლადია. მე ენა მაინც მაქვს გასლექილი.

ეხ, დედა, როგორ მინდა გვესმოდეს ერთმანეთის. მეც არ მესმის, ჰო, ჯიუტად და თავხედად ვამბობ, რომ მე არ მეშინია და მკიდია, რას ფიქრობენ სხვები, მაგრამ გულის სიღრმეში ხომ ვიცი, რომ ჩემი გამოჩენა სადმე საჯაროდ შენც გაყენებს ზიანს 🙁

არ ვიცი…. განა არ შეიძლება, ჩემით იამაყოს? განა, არ არსებობს გზები, რითაც ამ შიშებს მოვაშორებ? სად წავიყვანო? მოშორდება კი იმ გარემოს, სადაც მამის საფლავია? 🙁

პ.ს. ამ გადაცემის მიჭრილ-მოჭრილი იდიოტ„ობის კრიტიკის თავი აღარ მაქვს, როცა ატირებული დედა მირეკავს და მეშინია, რამე არ დაემართოს. გადაეცით იმ იდიოტ პრივილეგირებულებს, ვინც იქ იჯდა ჩემთან ერთად და მიმტკიცებდა, რომ არავინ იჩაგრებაო, რომ ყველას არ უმართლებს და მე სულაც არ მინდა ჩაგვრა ჩემი ბედისწერა იყოს!

ვინც დედას ურეკავთ და ცდილობთ, გული გაუხეთქოთ და მომიკლათ და ამ სტატუსსაც ჩასაფრებული ელოდებით, გეყოთ თქვენი თავხედური გამოხდომებით! შეწყვიტეთ ენების ტრიალი! ჰო, ასეთი ვარ და შეეგუეთ ამას! ნუ ტეხავთ პანიკებს! ჰო, არ ვიცვლები და ვერ შევიცვლები! ჰო, ასეთი ვიყავი მანამდეც, სანამ ამას გაიგებდით! დაფიქრდით და პრობლემა თქვენს ჰომოფობიაში ეძებეთ!“

სიახლეები/

|

October 26, 2017 / 1:41 pm

საკვანძო სიტყვები

TOP სიახლეები

მაია ასათიანი: „ძალიან, ძალიან შორს მივდივარ…“

აია ასათიანმა „ინსტაგრამზე“ გამოაქვეყნა რამდენიმე სთორი, სადაც ჩემოდნით არის გადაღებული. როგორც მაია ამბობს, თებერვალში, როდესაც მისი შვილის გარდაცვალების დღე ახლოვდება, ის საქართველოდან აუცილებლად მიემგზავრება შორეულ ქვეყანაში. „ძალიან, ძალიან შორს მივდივარ, ჩემს ოცნებაში. მისურვეთ კეთილი მგზავრობა. 16 საათი უნდა ვიფრინო. სინამდვილეში არის ჩემი შვილის გარდაცვალების წლისთავი. ასეთ დროს ყოველთვის მივდივარ ხოლმე ქვეყნიდან და ასე მარტო მივემგზავრები….“, […]

ვიდეო: ერეკლე დეისაძემ „დიდი სცენა“ სიმღერით „რაც მამას უნდა“ გახსნა

ერეკლე დეისაძე „რუსთავი 2“-ის მუსიკალური შოუს „დიდი სცენა“ ერთ-ერთი ჟიურის წევრია. მან გუშინდელ ლაივზე სცენა თავად დაიკავა და შეასრულა თავისი რეპერტუარიდან ერთ-ერთი ცნობილი სიმღერა „რაც მამას უნდა“. ნომერს შესაბამისი ეკრანული გაფორმება ახლდა თან. (ვიდეო)

ფოტოები: ვერიკო ტურაშვილმა გოგონებისთვის კოლექცია შექმნა, რომელიც შვილს მიუძღვნა

ახლხან მომღერალი ვერიკო ტურაშვილი განსხვავებულ, დიზაინერის ამპლუაში ვიხილეთ. მან გოგონებისთვის კოლექცია შექმნა, რომლის ფოტოსესიაც გედა დარჩიამ გადაიღო. პატარებისთვის შექმნილი სამოსის ხაზი ძირითადად კაბებს აერთიანებს. ვერიკო ამ საქმიანობის გაგრძელებას გეგმავს. ვერიკო ტურაშვილი: ამ ყველაფერს ჯერჯერობით არცთუ სერიოზულად ვუყურებ, მაგრამ ჩემი უმცროსი შვილის, ნატაშკას ინსპირაციით შევქმენი მცირე კოლექცია, რომელშიც 10 კაბა გაერთიანდა. ამ საქმეში პარტნიორთან, ეკა მგალობლიშვილთან […]

Facebook

რეკლამა

მსგავსი სიახლეები

ნანუკა ჟორჟოლიანი შვილთან ერთად შრი ლანკაზე ისვენებს

ნანუკა ჟორჟოლოლიანი შრი ლანკაზეა. მას უკვე ტრადიციად ექცა, რომ ყოველ ზამთარს თბილ, საინტერესო და ეგზოტიკურ ადგილებს სტუმრობს განსატვირთად და დასასვენებლად. მასთან ერთად დასვენების დღეებს მისი უფროსი ქალი შვილი, მარიამ გეგუჩაძე ატარებს, რომელიც ასევე აქვეყნებს ფოტოს საკუთარ „ინსტაგრამზე“. (ფოტოები)

ნანუკა ჟორჟოლიანი მოტკეცილ შარვალში – „ვარჯიშის მადლი“ (ფოტო)

ნანუკა ჟორჟოლიანმა გამოაქვეყნა ფოტო, სადაც სესანიშნავად გამოიყურება. მას შავი მოტკეცილი შარვალი აცვია და აშკარაა, რომ წონაში ბევრი დაიკლო, ფორმებიც დაიხვეწა და ეს ყველაფერი, როგორც თავად წერს, ვარჯიშის დამსახურებაა. „ვარჯიშის მადლი“, აწერია ფოტოს, რომელიც ტელეწამყვანმა რამდენიმე წუთის წინ „ფეისბუქზე“ ატვირთა. (ფოტო)

ნანუკა ჟორჟოლიანი კიანუ რივზის რჩეულს გამოესარჩლა – „ჩვენსავით ბევრი ბოტოქსით არ ისწორებს ნაოჭებს…“

მსოფლიო პრესა მოიარა კიანუ რივზისა და მისი რჩეულის ფოტოებმა. ქალის გარეგნობის გამო კიანუს აკრიტიკებენ და წერენ, რომ ეს სრულიად შეუფერებელი წყვილია. ეს თემა საქართველოშიც აქტუალურია. თემას გამოეხმაურა ნანუკა ჟორჟოლიანი, რომელიც წერს: „კიანუ რივზი 55 წლის არის. მისი რჩეული 46-ის. უბრალოდ, ქალმა გადაწყვიტა, ჭაღარა თმა არ შეიღებოს და ჩვენსავით ბევრი ბოტოქსით ნაოჭები არ გადაისწოროს. ტუჩები არ […]

ნანუკა ჟორჟოლიანი: „ირაკლი კოდუა წარსულში დავტოვე…“

ნანუკა ჟორჟოლიანმა ჟურნალ „თბილისელებთან“ იმ ადამიანების შესახებ ისაუბრა, რომლებიც სამუდამოდ დარჩნენ მისი ცხოვრების მიღმა. როგორც ტელეწამყვანი ამბობს, ყოფილ მეუღლესთან აბსოლუტურად არანაირი შეხება აღარ აქვს. ირაკლი კოდუას აქვს ურთიერთობა თავის შვილთან, ოღონდ ნანუკას ჩარევის გარეშე. – ბევრი ადამიანი დარჩა დაკეტილ კარს მიღმა? – ჩემს ცხოვრებაში არის ორი მნიშვნელოვანი ადამიანი, ვინც სამუდამოდ უკან დარჩა და ჩემთვის დასრულდნენ. ერთ-ერთი არის ის, ვინც დღეს „რუსთავი […]

ნანუკა ჟორჟოლიანი: „მაპატიებს გენიოსი, მისი საიდუმლო რომ გავთქვი…“

გია ყანჩელის გარდაცვალებამ მთელ საქართველოს დასწყვიტა გული. ცნობილ კომპოზიტორს სოციალურ ქსელებში უამრავი ადამიანი იხსენებს. მათ შორის არის ტელეწამყვანი ნანუკა ჟორჟოლიანი, რომელიც ერთ ამბავს ჰყვება გია ყანჩელთან დაკავშირებით. „ჩემმა მეგობარმა დამირეკა და მითხრა, გია ყანჩელი დაგირეკავსო, ვაახ, როგორი ბედნიერი ვიყავი. წინა დღით, ჩემი გადაცემა უნახავს მარტოხელა მამებზე. მათთან დაკავშირება მთხოვა და სოლიდური თანხა ჩაურიცხა სამ მამას, […]

რეკლამა