ნანუკა ჟორჟოლიანი „მხოლოდ ქართულის“ კრიტიკის საპასუხოდ: „წარმატებებს გისურვებთ. მათ შორის მაგინებლებსაც…“

ნანუკა ჟორჟოლიანი „მხოლოდ ქართულის“ კრიტიკის საპასუხოდ: „წარმატებებს გისურვებთ. მათ შორის მაგინებლებსაც…“

„მხოლოდ ქართულის“ გუშინდელ ლაივზე გიორგი ნარმანიამ დატოვა პროექტი. მანამდე ჟიურის ერთ-ერთმა წევრმა, გიორგი გაბუნიამ მას სთხოვა, საკუთარი თავისთვის თვითონ დაეწერა ქულა და ნარმანიამაც ნამღერი ათიანზე შეაფასა, რითაც, გიორგისა და მარინა ბერიძის აზრით, დიდი შეცდომა დაუშვა. სოფო ნიჟარაძემ კი აღნიშნა, რომ გაბუნიამ ასეთი საქციელით მონაწილე უხერხულ მდგომარეობაში ჩააგდო. ნანი ბრეგვაძის თქმით, ის საკუთარ თავს ორიანზე შეაფასებდა და ათიანს არ დაწერდა, თუმცა რადგან გაბუნიამ ასეთი შანსი მისცა, ნარმანიამ ეს შანსი გამოიყენა…

წამყვანების, ნანუკასა და მაია ასათიანის კომენტარებს იმასთან დაკავშირებით, რომ ასეთი „თავმდაბლობა“ არ უნახავთ და გაბუნიას ქცევას მაყურებელი საკმაოდ კრიტიკულად მიდგა და აღინიშნა, რომ ეს იყო მონაწილის ბულინგი.

ნანუკა ჟორჟოლიანმა კრიტიკის საპასუხოდ ვრცელი პოსტი გამოაქვეყნა:

„ვისაც ცუდი მეხსიერება გაქვთ, გაგახსენებთ ქრონოლოგიურად.

ფბზე დაიდო გიორგი ნარმანიას სიმღერა. გოგოს ხელი თხოვა. რის შემდეგაც რ2, ხაზს ვუსვამ, რუსთავი 2 დაუკავშირდა მას და გადაცემაში მონაწილეობა თხოვა.

პარალელურად, მოვიწვიე გადაცემაში. არც ერთი სხვა მონაწილე პერსონალურად გადაცემაში არ მყოლია. გავუკეთე პორტრეტი და გავუშვი საქორწილო მოგზაურობაში.

მეორედ კიდევ მოვიწვიე გადაცემაში, როცა მხოლოდ ქართულს ვაშუქებდი, მიუხედავად იმისა, რომ მასზე ყველაფერი მქონდა გაკეთებული.

გუგა მარგველაშვილი აუთსაიდერებში იდგა 4-ჯერ. მიუხედავად იმისა, რომ ფინალში დგომას იმსახურებდა. მხოლოდ იმიტომ, რომ გაგდების კანდიდატი ბევრჯერ იყო, მეტი მხარდაჭერა სჭირდებოდა, თუმცა არა ნარმანიასთან შედარებით, ნარმანია მისი კონკურენტი არ ყოფილა, იმიტომ, რომ ზარების რაოდენობით მეორე, მესამე ადგილზე იყო მუდმივად. ლოგიკა მარტივია, ვისაც უჭირს, მხარდაჭერაც იმას უნდა.

რა მოხდა, როცა გაბუნიამ ნარმანიას დაუწერა 6 ქულა. რა და ზარებმა ის გადაარჩინა. რა მოხდა როცა ნარმანიამ თავის თავს დაუწერა 10, ვნახეთ. კონკურსში ჟიური იმიტომ ზის, რომ შეგაფასოს. ვინც ფიქრობთ, რომ კრიტიკული აზრი ბულინგია, კონკურსებს აღარ უყუროთ.

როცა ვიღაცას გულშემატკივრობ, მეტი ემოციაა, მეტი წყენაა, მაგრამ უნდა ხედავდე, არის თუ არა შენზე ძლიერი მონაწილე კონკურსში. მე თუ სამართლიანობას მიწუნებთ და მივიღებ თქვენს შენიშვნას, თქვენ თავმდაბლობას გიწუნებთ და როგორც თქვენ გაქვთ უფლება საჯაროდ მითხრათ შენიშვნა, ისე მე მაქვს უფლება გითხრათ, რომ გულშემატკივრობა არ ნიშნავს კრიტიკის ზიზღს. ასეთ კონკურსებში ადამიანები მიდიან იმიტომ რომ შენიშვნებიც ისმინონ.

რაც შეეხება გიორგი გაბუნიას, დაწერილ 6-იანში ნამდვილად არ დავეთანხმე თავის დროზე, ვიდეოს დავდებ მალე, ისევე როგორც სიმღერის დაწუნებაში, იმიტომ რომ ნარმანია არ არჩევდა სიმღერას (ამ ვიდეოსაც დავდებ მალე), მაგრამ გუშინ გააკეთა ძალიან სწორი სვლა. მაყურებელს ანახა, რეალურად რას ითხოვდნენ მისგან. რაც შეეხება მადლობას (ამ ვიდეოსაც დავდებ), მადლობას ვუხდი ყველას გულშემატკივარს, სახელებს ვთვლი მონაწილეების და ბუნებრივი,ა გუგას გულშემატკივრებით ვიწყებ, იმიტომ რომ მისი გადარჩენა მაყურებელს სწორედ მე ვთხოვე.

წარმატებებს გისურვებთ. მათ შორის მაგინებლებსაც. რაც შეეხება გიორგი ნარმანიას, ამ პროექტმა მას ყველაზე მთავარი, პოპულარობა და ხალხის სიყვარული მოუტანა და ყველაფერი ჯერ კიდევ წინ აქვს“.

სიახლეები/

|

January 15, 2019 / 4:07 pm

TOP სიახლეები

Facebook

რეკლამა

მსგავსი სიახლეები

ნანუკა ჟორჟოლიანი შვილთან ერთად შრი ლანკაზე ისვენებს

ნანუკა ჟორჟოლოლიანი შრი ლანკაზეა. მას უკვე ტრადიციად ექცა, რომ ყოველ ზამთარს თბილ, საინტერესო და ეგზოტიკურ ადგილებს სტუმრობს განსატვირთად და დასასვენებლად. მასთან ერთად დასვენების დღეებს მისი უფროსი ქალი შვილი, მარიამ გეგუჩაძე ატარებს, რომელიც ასევე აქვეყნებს ფოტოს საკუთარ „ინსტაგრამზე“. (ფოტოები)

ვიდეო: „ფიფქებო, ფიფქებო“ „მხოლოდ ქართულის“ მონაწილეთა შესრულებით

დღეს „მხოლოდ ქართულის“ მესამე ლაივტური შედგება. მონაწილეები მთელი კვირა ემზადებოდნენ ახალი ტურისთვის, სადაც საკუთარი შესაძლებლობების მაქსიმალურად გამოვლენან მოუწევთ. წინა კონკურსზე პროექტი, ნიკა გვარამიას გადაწყვეტილებით, არავინ დატოვა, ალბათ, ამ ტურზე ასეთ გადაწყვეტილებას აღარ მიიღებს, ასე რომ, კონკურსანტებმა საკუთარი ძალების მაქსიმალური მობილიზება უნდა მოახერხონ. მოანწილეები „მთავარი არხის“ დილის გადაცემაში გამოჩნდნენ, სადაც „ფიფქებო, ფიფქებო“ გიტარის აკომპანემენტის თანხლებით შეასრულეს. […]

ავთანდილი: „მხოლოდ ქართულზე“ კომფორტულად ვიმუშავე…“

„მხოლოდ ქართული“-ს მეორე ლაივკონცერტზე წამყვანებისა და მონააწილეების ჩაცმულობაზე ცნობილმა დიზაინერმა, ავთანდილ ცქვიტინიძემ იზრუნა. მან „მარტივი გამოსავალის“ ტურისთვის საკუთარი კოლექციებიდან შეარჩია კოსტიუმები. ის კონცერტს დაესწრო და სამუშაო პროცესის შესახებ „ფორტუნასთან“ ისაუბრა. ავთანდილი: წამყვანებსა და კონკურსანტებს დღეს ჩემი კოლექციებიდან კოსტიუმები აცვიათ. ჩემთვის ეს ტური მისაღები იყო. ძირითადად, შევარჩიე კოსტიუმები „A-73“-დან, რომელიც არის Fashion street style. ამ სიმღერებს […]

როგორ შექმნა „მხოლოდ ქართულის“ გია ყანჩელის ტურისთვის კოსტიუმები დათუნა სულიკაშვილმა

„მხოლოდ ქართულის“ მესამე სეზონის პირველი გადაცემა 16 დეკემბერს ვიხილეთ, რომელიც „მთავარ არხზე“ კაჭრეთის „ამბასადორში“ სპეციალურად პოპულარული მუსიკალური კონკურსისთვის მოწყობილი დარბაზიდან პირდაპირ ეთერში გავიდა. ჟიურის მეირ შერჩეულმა ათეულმა გია ყანჩელის ტური დიდი ნერვიულობის ფონზე გაიარა, თუმცა პირველი ტური საინტერესოდ წარიმართა და ერთგვარი თეატრალიზებული სანახაობაც კი შექმნა. მისი ნაწილი კი უდაოდ იყო ცნობილი დიზაინერის, დათუნა სულიკაშვილის მიერ […]

„მხოლოდ ქართულის“ მესამე სეზონი გია ყანჩელის ტურით გაიხსნა

„მხოლოდ ქართულის“ მესამე სეზონს კაჭრეთის „ამბასადორი“ მასპინძლობს. კახეთში დმებარე ულამაზესი სასტუმროს დიდი დარბაზი პოპულარული სიმღერის კონკურსისთვის სრულად ტრანსფორმირდა, სცენა გადიდდა, სპეციალური საეთერო მოეწყო და პირველი ლაივკონცერტისთვის შოუმდე ნახევარი საათით ადრე ბოლო კონკურსანტმაც გაიარა საფინალო რეპეტიცია. კონკურსანტებთან მარინა ბერიძემ პირადად იმუშავა და როგორც ჟიურის წევრებმა მოგვიანებით აღნიშნეს, მისი ხელი კონკურსში მონაწილე თითოეულ გამომსვლელს დაეტყო. გია ყანჩელის […]

რეკლამა