ნანუკა ჟორჟოლიანი აქვეყნებს ფოტოს და წერს, რომ ერთ-ერთმა უცნობმა ურჩია, ამ ფოტოზე ნაოჭები გაექრო, თუმცა ტელეწამყვანი აღნიშნავს, რომ ნაოჭების თვლას არ აპირებს.
გთავაზობთ მის სტატუსს:
“ამ ფოტოზე, ინსტაგრამზე უცნობმა ნაოჭების გაქრობა მირჩია. არადა, ფოტო ამბობს, როგორ არ მაღელვებს არც ერთი მათგანი და როგორ შეიძლება ნაოჭებთან ერთად ბედნიერი იყო:)
ნათია ფანჯიკიძის წიგნში “შიშო გამოდი გარეთ” ერთ-ერთი თავი აღწერს, როგორ უნდა გვიყვარდეს საკუთარი სხეული, როგორ უნდა მოგვწონდეს ის. აუცილებლად წაიკითხეთ, თუ ფიქრობთ რომელიმე პლასტიკური ოპერაციის გაკეთებას 🙂
მგონია, რომ არასოდეს ისე ჰარმონიაში არ ვყოფილვარ საკუთარ თავთან, როგორც დღეს ამ ნაოჭებთან. არ დაითვალოთ ისინი, ითვალეთ ბედნიერი წუთები მხოლოდ.
თქვენი ნანუკა”.