„მოჯოს“ სოლისტი იან დესტალი საქართველოშია – როგორ უმასპინძლეს მუსიკოსს „შატო მუხრანში“

„მოჯოს“ სოლისტი იან დესტალი საქართველოშია – როგორ უმასპინძლეს მუსიკოსს „შატო მუხრანში“

ფრანგული ჯგუფის „მოჯოს“ ვოკალისტი, მუსიკოსი იან დესტალი საქართველოში რადიოჰოლდინგ „ფორტუნას“ 20 წლის იუბილესა და „ოქროს ტალღის“ დაჯილდოვების ცერემონიისთვის ჩამოფრინდა. ის 20 ივნისს მუსიკალური ღონისძიების სპეციალური სტუმარი იქნება.

როგორც რადიო „ფორტუნაში“ დღეს გამართულ პრესკონფერენციაზე მუსიკოსმა განაცხადა, ძველ სიმღერებთან ერთად, რომელთაგან ქართველ მსმენელს გამორჩეულად „Lady“ უყვარს, მან გადაწყვიტა, რომ ახალი სიმღერებიც წარმოადგინოს. მუსიკოსი საქართველოში ბევრჯერ არის ნამყოფი, გამართული აქვს კონცერტები თბილისსა და ბათუმში. „ფორტუნას“ შეკითხვაზე, ხომ არ განიხილავს ქართველ მუსიკოსებთან თანამშრომლობის შესაძლებლობას, იან დესტალმა უპასუხა, რომ თუკი ამგვარი შესაძლებლობა გაჩნდება, ის სიამოვნებით ითანამშრომლებს ქართველ შემსრულებლებთანაც და ერთობლივ პროექტზეც იფიქრებს.

მუსიკოსი მეგობარ გოგონასთან ერთად საქართველოში ორი დღის წინ ჩამოფრინდა. მას რადიოჰოლდინგი „ფორტუნა“ მასპინძლობს. ფორტუნასთან ერთად 18 ივნისს მოჯოს სოლისტს, ტურისტულმა კომპანიამ TBS უმასპინძლა. იან დესტალი „შატო მუხრანში“ მიიწვიეს, სადაც მას ქართველი მუსიკოსები დახვდნენ, „მოჯოს“ სოლისტმა მოისმინა მათ მიერ შესრულებული ქართული სიმღერები, თავადაც გიტარის აკომპანემენტის თანხლებით საკუთარი კომპოზიციები იმღერა, შემდეგ კი ქართველებთან ერთად საფრანგეთის ჰიმნიც შეასრულა. „შატო მუხრანის“ დათვალიერების შემდეგ სტუმრებს ადგილობრივი ღვინის დაგემოვნება შესთავაზეს, ასევე საკუთარი ხელით მოახვევინეს ხინკალი და გამოაცხობინეს ხაჭაპური. ამ პროცესით ფრანგმა მუსიკოსმა დიდი სიამოვნება მიიღო და აღფრთოვანება ვერ დამალა. გამორჩეულად ქართული ჰანგებით ისიამოვნა და პრესკონფერენციაზე აღნიშნა კიდეც, რომ ქართული პოლიფონიით მოხიბლულია.

20 ივნისს, იან დესტალი ქართველი მსმენელის წინაშე „ოქროს ტალღის“ დაჯილდოვების ცერემონიის დასრულების შემდგომ წვეულებაზე წარდგება.

ნინო მურღულია

სიახლეები/

|

June 19, 2017 / 3:55 pm

საკვანძო სიტყვები

TOP სიახლეები

„სუხიშვილების“ ცეკვის შესახებ კიდევ ერთი იუმორისტული ვიდეო გავრცელდა

სოციალურ ქსელში ბელა მაღლაფერიძე აქვეყნებს იუმორისტულ ვიდეოს, სადაც „სუხიშვილების“ „ცეკვა ქართულის“ შესახებ მოსაზრებებს გამოთქვამს. ვიდეოს „ფეისბუქზე“ უამრავი ნახვა და მოწონება ხვდა წილად. როგორც ბელა მაღლაფერიძე აღნიშნავს: „ისეთი საშინელება იყო, რომ დღემდე „აჩკები“ მიკეთია. ვიყავი, შვილო, კონცერტზე, მაგრამ „სუხიშვილები“ იყო? ილიკომ, უნდა განვავითაროთ ცეკვაო. განვითარება რად უნდა ცეკვასა და ქართულსა, განვითარება უნდა ეკონომიკასა და ქვეყანასა… გამოვიდა […]

რუსი გოგონები, რომლებიც საქართველოში მუშაობენ, თბილისს აკრიტიკებენ: „თბილისი, შენ მაინც სოფელი ხარ!..“

სოციალურ ქსელში ვრცელდება ელენე ინაურის პოსტი, სადაც ის ორი რუსი გოგონას შესახებ წერს. მისი თქმით, ისინი საქართველოში მუშაობენ, ტურისტები ჩამოჰყავთ, თუმცა ჩვენს ქვეყანას ვერ იტანენ და ამას სოცქსელში სხვადასხვა პოსტით ხშირად გამოხატავენ. ელენე აღნიშნავს: „გოგოები რომლებიც ცხოვრობენ თბილისში. ეწევიან ტურისტულ საქმიანობას, აქვთ კერძო ბიზნესი, პარალელურად ვერ იტანენ საქართველოს, ვერ იტანენ ქართველებს და არ აღიარებენ საქართველოს […]

გიორგი სურმავა: „მე რომ არ გამოვჩენილიყავი, დოჩის ქმარი გიორგი ლიფონავას უნდა ეთამაშა…“

სერიალ „ჩემი ცოლის დაქალებში“ დოჩი ალიშბაიას ქმრის, ტონი ოჩიგავას როლს ფოთში მცხოვრები მსახიობი, გიორგი სურმავა ასახიერებს. გიორგისთან ინტერვიუ ჟურნალმა „სარკემ“ ჩაწერა, რომელთანაც ჰყვება, როგორ დაამტკიცეს დოჩის საქმროს როლზე. როგორც გიორგი აღნიშნავს, ის რომ არა, ტონი ოჩიგავას როლის მორგება „ჩემი ცოლის დაქალების“ რეჟისორს, გიორგი ლიფოანასვ მოუწევდა… გიორგი სურმავა: „ქალბატონმა ეკა მჟავანაძემ დამირეკა…. (ვრცლად/ფოტოები)

Facebook

რეკლამა

მსგავსი სიახლეები

როგორ დაუკრეს იან დესტალმა და ნიაზ დიასამიძემ ერთად „Lady“ (ვიდეო)

„მოჯოს“ სოლისტის, იან დესტალის საქართველოში ჩამოსვლას და მის მონაწილეობას „ოქროს ტალღაზე“ „კურიერი პ.ს.“-მა სიუჟეტი მიუძღვნა. „წელს მას საპატიო როლი მისცეს – „ოქროს ტალღის“ დაჯილდოვებაზე მან რამდენიმე სიმღერა შეასრულა. მსოფლიოში ერთ-ერთი ცნობილი და პოპულარული სიმღერის ავტორი კიდევ ერთხელ ჩამოვიდა საქართველოში. ჩვენს ქვეყანას ის სისტემატურად სტუმრობს, ძალიან უყვარს აჭარაში დასვენება და ქართველ მუსიკოსებთან ერთად ექსპერიმენტების ჩატარება. როგორც […]

Modjo „ფორტუნას“ 20 წლის იუბილეს ულოცავს – „შევხვდებით „ოქროს ტალღაზე“ (ვიდეო)

„ოქროს ტალღა“ 2017-ის სამზადისი აქტიურად მიმდინარეობს, რადიოჰოლდინგი „ფორტუნა“ წლის სიმღერის დაჯილდოვებასთან ერთად, 20 წლის იუბილესაც ზეიმობს. ჰოლდინგის შემადგენლობაში ოთხი რადიო – „ფორტუნა“, „ფორტუნა პლუსი“, „არ დაიდარდო“, „ავტორადიო“ და ტელევიზია „მიუზიკბოქსია“. 20 ივნისს, მთაწმინდის პარკში გრანდიოზული ღონისძიება გაიმართება, სადაც წლის სიმღერასაც გამოავლენენ, ასევე გამარჯვებულებს სხვადასხვა კატეგორიაში და ამასთან, საქართველოში ერთ-ერთი ყველაზე ცნობილი მედიაჰოლდინგის იუბილესაც აღნიშნავენ. „ოქროს […]

რეკლამა