მიმართვა მასწავლებლებს: „თქვენ არ იყავით ისინი, ცემაში რომ ხდიდით და ხდით მოსწავლეებს სულს?“

მიმართვა მასწავლებლებს: „თქვენ არ იყავით ისინი, ცემაში რომ ხდიდით და ხდით მოსწავლეებს სულს?“

ერთ-ერთი კერძო სკოლის მასწავლებელი, ინტელექტუალური თამაშის „რა? სად? როდის?“ მონაწილე, ცვატა ბერძენიშვილი მასწავლებლებსა და ე.წ. ბიძერებს მიმართავს და კითხულობს, რა უფლება აქვთ მათ ქვეყნის საამაყო ახალგაზრდობა ლანძღონ.

ცვატა ბერძენიშვილის სტატუსს უცვლელად გთავაზობთ.

„ძალიან გაბრაზებული ვწერ ამ სტატუსს და შეიძლება ცოტა არეულ-დარეული, დიდი და უხეში გამომივიდეს, შეიძლება მერე ვინანო ამის დაწერა, მაგრამ მაინც უნდა ვთქვა – სამაგიეროდ, გულწრფელი იქნება.

ძვირფასო მასწავლებლებო, ახლა რომ გამოდიხართ და ბავშვების მკაცრად აღზრდის ლეგიტიმაციას ითხოვთ და ჩამორთმეულ “უფლებებზე” წუწუნებთ – თქვენ არ ხართ ის, ვინც ძალადობრივ და აგრესიულ გარემოში ზრდიდა ამ ამ ბავშვებს? თქვენ არ იყავით ისინი, ცემაში რომ ხდიდით და ხდით მოსწავლეებს სულს და ეს აღზრდის ერთადერთი სწორი მეთოდი გგონიათ? თქვენ არ უწოდებდით და უწოდებთ მათ დებილებს, იდიოტების, განუვითარებლებს და სხვა ათასგვარ სალანძღავ სიტყვას? თქვენ არ დაუმახინჯეთ ბევრ ბავშვს ბავშვობა და ბევრს შეაძულეთ საერთოდ განათლება? რამეს ვამატებ?

ძვირფასო “ბიძერებო”, რომ გამოდიხართ ენაგადმოგდებული და ახალგაზრდობას ლანძღავთ, ეს რა თაობა მოდისო, თქვენ რა თაობა იყავით, გახსოვთ საერთოდ? თქვენმა თაობამ არ დაანგრია და დააქცია ეს ქვეყანა? თქვენ არ იყავით, ტანკებით რომ დასდევდით ერთმანეთს და რუსთაველზე ტყვიების წვიმას აწყობდით? თქვენი თაობა არ იყო, ყველა კუთხეში რომ ვიღაცას კლავდა? თქვენ არ დაგვიტოვეთ ეს დამპალი მემკვიდრეობა? დღეს რომ ორი ბავშვის მკვლელობა ეროვნული ტრაგედიაა, თქვენს თაობაში ეს ჩვეულებრივი ყოველდღიურობა არ იყო? რაიმე მეშლება?

ვინ მოგცათ თქვენ უფლება, რომ გამოდიხართ და ამ ქვეყნის საამაყო ახალგაზრდობას ლანძღავთ? იმ ახალგაზრდობას, რომელიც წლებია ცდილობს თქვენი ჩასვრილი მოწმინდოს და მაინც ყელამდე ნეხვში რომ ტივტივებს, ისევ თქვენივე დამსახურებით? აცნობიერებთ მაინც, რა მემკვიდრეობა დაგვიტოვეთ?

რაღაც მოსაზრებებს გავეცანი ახლა და გაცეცხლებული ვარ, სიტყვებს ძლივს ვუყრი თავს და შეიძლება ზედმეტი მომდის. ვიცი, რომ ყველა მასწავლებელს, ყველა უფროსი თაობის წარმომადგენელს არ ეხება ეს და გულწრფელ ბოდიშს ვუხდი მათ, ხოლო იმათ, ვისაც ეს სტატუსი ეწყინება და აეწვება – უნდა ეწყინოთ და აეწვათ კიდეც, მათთვის დამიწერია ესე იგი.

P.S. სანამ მამაჩემის მაგალითს მომიყვანთ და ამით შეეცდებით “მამების თაობის” რეაბილიტაციას, მანამდე მე თავად შეგახსენებთ, რომ მამაჩემი პირველი მოაწერდა ამ ტექსტს ხელს, ცოცხალი რომ იყოს“

სიახლეები/

|

December 6, 2017 / 12:42 pm

საკვანძო სიტყვები

TOP სიახლეები

“კალმით ნახატი გოგო” – ანი გიუნტერი შესანიშნავ ფორმაშია

ტელეწამყვანი ანი გიუნტერი ბრწყინვალე ფორმაშია. მან მცირე ხნის წინ სოციალურ ქსელში ფოტო გამოაქვეყნა, სადაც ჩანს, რომ ორი შვილის დედა ტელევარსკვლავი საგრძნობლად გახდა. ანის ამ ფოტომ დიდი მოწონება დაიმსახურა “ფეისბუქზე”. “რას გვიშვრები, გოგო” “კალმით ნახატი გოგო ხარ”, “ვაიმე, ვაიმე” – ამგვარი კომენტარები მოჰყვა ანის ფოტოს, რომელსაც ჩვენც გთავაზობთ.  

სოფო ბათილაშვილს პატარა ბიჭუნამ ყვავილი აჩუქა (ვიდეო)

„მხოლოდ ქართულის“ გამარჯვებული, სოფო ბათილაშვილი, კონკურსის შემდეგ ძალიან დატვირთულია და სხვადასხვა რეგიონში კონცერტებით დადის. კონცერტებზე ის კომპოზიტორ ზვიად ბოლქვაძესა და ბენდ „ნიუტონთან“ ერთად გამოდის და ყველა იმ სიმღერის ახალ ვერსიას ასრულებს, რომლითაც ცნობილი და ბევრისთვის საყვარელი მომღერალი გახდა. სოციალური ქსელის მეგობრებს ის უამრავი სახალისო ვიდეოთი ანერბივრებს. მათ შორისაა ერთ-ერთი ვიდეო, სადაც უსაყვარლესი ბიჭუნა მას ყვავილს […]

თიკა ფაცაციას უფროსი ვაჟი 18 წლის გახდა

თიკა ფაცაცია არაჩვეულებრივად გამოიყურება, მუდამ ფორმაშია, თუმცა ის, აქტიური მუშაობის პარალელურად, სამ შვილზე ზრუნავს. მისი უფროსი ვაჟი ახლახან 18 წლის გახდა. ანდრო ანთელიძე საზღვარგარეთ, საფრანგეთში სწავლობს და შესანიშნავად ფლობს ფრანგულ და ინგლისურ ენებს. მცირე ხნის წინ დედა მას პარიზში სტუმრობდა, სადაც დედა-შვილმა კარგი დრო გაატარა და ამ ვოიაჟის ამსახველი ფოტოები თიკამ სოციალურ ქსელშიც გააზიარა. ახლახან […]

Facebook

რეკლამა

რეკლამა