ქართველი პიანისტი, ხატია ბუნიათიშვილი კვლავ აგრძელებს მსმენელის გაოცებას მსოფლიოს სხვადასხვა წერტილში. ახლახან მის ოფიციალურ „ფეისბუქ“-გვერდზე გამოქვეყნდა ვიდეო, რომელიც საფრანგეთში, ქალაქ როიანში გამართა.
როგორც ვიდეოს თანმხლებ წარწერაშია ნათქვამი, ქართველი მუსიკოსის ამ კონცერტს არც მეტი არც ნაკლები, 50 000 ადამიანი დაესწრო. ხატიამ ყველა მათგანს გულითადი მადლობა გადაუხადა.