“ცეკვავენ ვარსკვლავების” კინოტურში ანდრია გველესიანისა და სალომე ჭაჭუას დუეტი გამორჩეული გამოდგა. მართალია, გოჩა ჩერტკოევისთვის ანდრიას შესრულებული სტრიპტიზი მთლად გვარიანი არ გამოდგა და წყვილს შორის დიდი ვნებაც ვერ დაინახა, მაყურებლისთვის მათი შესრულებული ჰიპ-ჰოპი მაინც ვნებიანი აღმოჩნდა. მსახიობმა, რომელსაც პირდაპირ უნდა ვთქვათ, გარეგნობა ძალიან უწყობს ხელს, გადაწყვიტა, ქალების ყურადღება მოშიშვლებული ტორსით მიეპყრო. მისი მოძრაობები ჩენინგ ტატუმის მსგავსად დახვეწილი,რასაკვირველია, არ ყოფილა, ვისაც ის ფილმ “სუპერ მაიკიდან” განასახიერებდა, მაგრამ სალომესთან ტანდემში მაინც მიიქცია ჩვენი ყურადღება. ცეკვა ჯერ მეწყვილის გარეშე დაიწყო და შემდეგ სალომე დარბაზიდან მიიწვია საცეკვაოდ.
შეგიძლიათ, თავად დატკბეთ ამ სანახაობით…