19 ივლისს, ბათუმის ერთ-ერთ პოპულარულ ადგილას, „Soho Batumi“-ში ცნობილი ქართული ჯგუფი Goofy Land დაუკრავს. ჯგუფი თბილისში უამრავ ადგილას გამოდის, საზღვაო სეზონზე კი მათი მოსმენა აჭარაშიც შეგიძლიათ.
„გუფი ლენდს“ არსებობის მრავალწლიანი ისტორია აქვს და საკმაოდ ხშირად ნახავთ სხვადასხვა ივენთზე. განსაკუთრებით პოპულარულია მათ მიერ შესრულებული ქავერი გოჩა ლორიას ჰიტზე „ჩურჩულები“, რომელზეც „გუფი ლენდმა“ ვიდეორგოლიც გადაიღო ერთ-ერთი გასართობი ტელევიზიის დახმარებით.