მანანა თოდაძემ საზოგადოება „ცეკვავენ ვარსკვლავებში“ წარმატებული მონაწილეობით გააკვირვა.
მომღერალი შესაშურ ფორმაშია და როგორც ყოველთვის, ძალიან ენერგიულია.
პროექტის შემდეგ მან წონაში კიდევ დაიკლო და ახლა ცდილობს, ეს ფორმა შეინარჩუნოს.
ის აპირებს, რომ სამეჯლისო ცეკვებზე იაროს.
მანანა თოდაძე fortuna.ge-ს ესაუბრა.
არაჩვეულებრივად გამოიყურებით, ეს რისი დამსახურებაა?
სხვათა შორის, „ცეკვავენ ვარსკვლავების“. ძალიან ბევრი ვიშრომე. მინდა, რომ ეს ფორმა შევინარჩუნო. აქტიურ ცხოვრებას ვეწევი. ისედაც ვვარჯიშობდი ყოველთვის დილაობით. ჩემი საყვარელი ვარჯიშები მაქვს. ვაპირებ ცეკვის გაგრძელებასაც. მინდა, კვირაში ორჯერ მაინც ვიარო სამეჯლისო ცეკვებზე. არსებობს მოყვარულთა ჯგუფები. რატი გაჩეჩილაძემ შემომთავაზა, აუცილებლად მოდი, რადგან ბევრი ადამიანისთვის დიდი სტიმული ხარო.