„დილის ეთერი იყო და შუადღემდე მჯეროდა, რომ ყველაფერი სწორედ მქონდა ნალაპარაკევი“, – ასე იხსენებს მარიამ შენგელია გადაცემას, სადაც მან „ევროვიზიაზე“ წარსადგენ სიმღერას Freedom, შეცდომით „მშვიდობას“ უწოდებს.
შეგახსენებთ, „ევროვიზია 2025-“ზე საქართველოს ქალაქ ბაზელში მარიამ შენგელია წარმოადგენს სიმღერით Freedom (თავისუფლება). სიმღერა ქეთი გაბისიანმა დაწერა, ხოლო ტექსტი ბუკა კარტოზიას ეკუთვნის.
მუსიკალური კლიპი კახა ბუხრაშვილმა გადაიღო, კოსტიუმის დიზაინზე – იზა ნადარეიშვილმა, კლიპის მხატვრობაზე კი შაკო პოპიაშვილმა და ნინო წულაიამ იმუშავეს.
ვიდეორგოლში ასევე მონაწილეობა მიიღეს სიმღერისა და ცეკვის სახელმწიფო ანსამბლის, „ერისიონის“ მოცეკვავეებმა და გია ყანჩელის სახელობის თბილისის ახალგაზრდულმა ორკესტრმა.
ევროვიზიის სიმღერის კონკურსი 13, 15 და 17 მაისს შვეიცარიის ქალაქ ბაზელში გაიმართება.
იხილეთ ინტერვიუს სრული ვერსია: “giorgi kokaia”