ქართველი რეჟისორის, ზაზა ურუშაძის უკანასკნელი ნამუშევარი “ანტონი” მსოფლიოს ერთ-ერთ უმნიშვნელოვანეს ჯილდოზე – ოქროს გლობუსზე ოფიციალურად წარადგინეს.
“ოქროს გლობუსზე” იყო წარდგენილი ზაზა ურუშაძის “მანდარინებიც”.
რეჟისორის უკანასკნელი ფილმი ნამდვილი ამბის მიხედვით არის გადაღებული. მოქმედება გერმანელებით დასახლებულ უკრაინის ერთ-ერთ სოფელში ვითარდება და ორი ბავშვის – კათოლიკე ანტონისა და ებრაელი იაკობის მეგობრობის შესახებ გვიყვება.
ფილმი გადაღებულია დეილ აიზლერის რომანის მიხედვით სახელად „ანტონი, ბიჭი, მისი მეგობარი და რუსული რევოლუცია.“