22.8 C
Tbilisi
Thursday, August 18, 2022

ზაზა ნოზაძის ახალი ალბომის პრეზენტაცია თბილისში 19 ოქტომბერს გაიმართება

2018 წლის დეკემბერში, ზაზა ნოზაძემ (იგივე Sf-x) გამოსცა სადებიუტო ალბომი, სახელწოდებით „თბილისიდან”.

რეპერს მთელი ზაფხულის განმავლობაში ჰქონდა პირველი ტურნე საქართველოს სხვადასხვა რეგიონში და ყოველ კვირას, თბილისს მიღმა ხვდებოდა თავისი მუსიკის მსმენელს და ცოცხლად ასრულებდა კომპოზიციებს ალბომიდან.

19 ოქტომბერს ახალგახსნილ კლუბში, სახელწოდებით – Space იგეგმება ზაზა ნოზაძის ახალი ალბომის პრეზენტაცია. რეპერი მსმენელის წინაშე შეასრულებს თავის ძველ კომპოზიციებსაც.

ზაზა, ამ ალბომის შესახებ მოგვიყევი…

ალბომის ჩაწერას 2006 წლიდან ვგეგმავ, თუმცა მინდოდა, ამისთვის მზად ვყოფილიყავი. 2015 წელს ამ წერტილამდე მივედი, მაგრამ სხვადასხვა მიზეზის გამო პერსპექტივა არ ჩანდა, რომ ალბომის ჩაწერას შევძლებდი. საბოლოოდ, 2018 წელს, დაახლოებით თვენახევარში, ჩავწერე 23-კომპოზიციანი 2 დისკი. ვიმუშავე ხმის ჩამწერ სტუდიაში HaruTune Production.

ვინაიდან ეს ჩემი პირველი ალბომია, მაქსიმალურად ვცადე ფოკუსირება საკუთარ თავსა და გარემოზე, სადაც  ვცხოვრობ, რას ვფიქრობ, რა მწყინს, რა მიხარია და ზოგად დამოკიდებულებებზე ყველაფრის მიმართ. ანუ შეიძლება ითქვას, რომ ჩემი ალბომის მოსმენის მერე, სიამოვნების გარდა, მიიღებთ ჩემს სრულ პორტრეტს.

გამოვუშვით 500 დისკი, რომელიც დაახლოებით 1 თვეში ბოლომდე გაიყიდა. ბევრად დიდი ნაწილი – ონლაინში. შემდეგ კი გაჩნდა ტურის იდეა, რომელიც საკუთარი შესაძლებლობებით განვახორციელეთ და ვფიქრობ, ძალიან მაგრად. მით უმეტეს პირველი ეტაპისათვის.

(ვრცლად/ფოტოები)

Latest Posts

ბოლო სიახლეები