ცნობილი ქართველი პიანისტი, მრავალი საერთაშორისო კონკურსის ლაურეატი, დავით ალადაშვილი ფონდ „იავანანას“ ეგიდით, პირველ ივნისს, ბავშვთა დაცვის საერთაშორისო დღისადმი მიძღვნილ საქველმოქმედო კონცერტს გამართავს. “იავნანა“ უერთდება გაეროს ბავშვთა ფონდის “იუნისეფის“ ანტი-სტიგმა კამპანიას “დაინახე ყველაფერი“, რომლის ამოცანაა შეზღუდული შესაძლებლობების მქონე ბავშვებისა და ახალგაზრდების მიმართ სტიგმის დაძლევა, ამ ბავშვების თვითრეალიზაციის ხელისშეწყობა, მათი უნარების გამოვლენა და უფლებების პატივისცემა.