“რანინას” გამარჯვებული, შესანიშნავი გოგონა, სანდრა გადელია საბავშვო “ევროვიზიაზე” საქართველოს სახელით წარდგება. მის სიმღერაზე სახელწოდებით You are not alone გიგა კუხიანიძემ იმუშავა, მელოდია მას ეკუთვნის, ტექსტი კი მომღერალ თემო საჯაიას. ტექსტი ქართულ-ინგლისურია.
რეჟისორ ზაზა ორაშვილის მიერ გადაღებული კლიპი “იუთუბზე” ახლახან განთავსდა და საკმაოდ კარგი შეფასებებიც დაიმსახურა უცხოელებისგან. წერენ, რომ კომპოზიციას ჟიურისგან ძალიან კარგი ქულები მოჰყვება. ვნახოთ, როგორ გაართმევს თავს “ევროვიზიის”სცენაზე გამოსვლას ქართველი კონკურსანტი.