ნანი ბრეგვაძე დღეს, 21 ივლისს, 84 წლის გახდა. “პირველი არხის” დილის გადაცემამ დათუნა ალადაშვილის რუბრიკა ლეგენდარულ მომღერალს მიუძღვნა.
ნანი ბრეგვაძემ აღნიშნა, რომ ასაკის მატებას ვერ გრძნობს: “როგორ უნდა მიხვდეს ადამიანი, რომ წლები ემატება?! ძალიან კარგი, რომ მემატება წლები და ვცხოვრობ დიდხანს, ეს მისასალმებელია. კი, რაღაცები მაწუხებს, ცოცხალი ადამიანი ვარ, მაგრამ შინაგანად ძალიან კარგად ვარ, ახალგაზრდულად და მგონია, რომ ჩემს ცხოვრებაში სულ ყველაფერი წინ არის”.