14.8 C
Tbilisi
Saturday, November 12, 2022

ვახტანგ კახიძე ნიკოლოზ რაჭველს უნიჭოსა და არაპროფესონალს უწოდებს

დირიჟორი ნიკოლოზ რაჭველი აქვეყნებს სტატუსს, საიდანაც ცნობილი ხდება, რომ ვატო კახიძემ მას უნიჭო და არაპროფესიონალი უწოდა.

“დღეს დავიწყეთ გუსტავ მალერის V სიმფონიაზე მუშაობა! ყველას უხარია, მე ვარ ბედნიერი, რომ შემიძლია ასეთ ნაწარმოებთან მქონდეს შეხება! ჩვენი ორკესტრი, რომელმაც გასულ სეზონზე მალერის I სიმფონია წარმატებით შეასრულა (2-ჯერ გავიმეორეთ), წელს კიდევ ერთ ტიტანს შეეჭიდა!
სიმფონიური მუსიკის მოყვარულებს მალე გავახარებთ!

მაგრამ ყველას სახეზე გვეწერა ერთი რიტორიკული და ჩვენი ცხოვრების ლეიტმოტივად ქცეული შეკითხვა: სად დავუკრავთ მალერის მუსიკას, რომელსაც სჭირდება მხოლოდ სიმფონიური მუსიკის დარბაზი შესაბამისი აკუსტიკით და მასშტაბური სცენით, რომელიც საბედნიეროდ, ჩვენს ქალაქს აქვს, მაგრამ ჩვენ იქ არ გვიშვებენ…

(ოფიციალურ მიზეზად სახელდება შემდეგი არგუმენტი: ნიკოლოზ რაჭველი არის უნიჭო, უგემოვნო და არაპროფესიონალი, რომლის გამოჩენა იმ სცენაზე არის დირიჟორის პროფესიის დისკრედიტაცია და ჯანსუღ კახიძის ხსოვნის შეურაცხყოფა!

ამ სიტყვების ავტორი მუსიკოსი ვახტანგ კახიძე გახლავთ…)

ასე დიდხანს თუ გაგრძელდება, ან საერთოდ ყველაფრის ხალისს დავკარგავთ, ან უკან დაუხევლად ვიბრძოლებთ, რომ საქართველოს სახელმწიფო ორკესტრმა ერთხელ და სამუდამოდ დაიბრუნოს უფლება რომ სრულფასოვნად იჟღეროს და იფუნქციონეროს ისე, როგორც მის სტატუსს, ხარისხსა და რეპერტუარს შეეფერება!“ – წერს რაჭველი საკუთარი ფეისბუქის გვერდზე.

Latest Posts

ბოლო სიახლეები