ანიტა რაჭველიშვილი სოციალურ ქსელში პოსტს ავრცელებს.
„აუცილებლად პირდაპირ თქვენ უნდა შეგეხოთ უსამართლობა, რომ ადგეთ და აქციაზე მოხვიდეთ?! 26 წლის გოგოს სიცოცხლე ამაზრზენმა მთვრალმა მძღოლმა შეიწირა და ის გამოუშვეს, იმიტომ რომ გავლენიანი მეგობრები ჰყავს!
რას ვაკეთებთ ჩვენ?! სახლში ვზივართ თბილად! ვაძლევთ უფლებას მკვლელს, რომ თავისუფლად იაროს და სიცოცხლით დატკბეს, მაშინ, როცა სხვას ეს სიცოცხლე თავისი ამაზრზენი ღორობის გამო წაართვა! ეს ჩვენი ბრალია! ჩვენი უპასხისმგებლობის და გულგრილობის ბრალია! მკველელები ჩვენ ვართ! ისინი ვინც ამდენი წელი ვითმენთ ჩუმად ამ ყველაფერს და საკუთარი ცხვირის იქეთ არაფერი გვაინტერესებს! უარესის ღირსი ერი ვართ!
მკვლელების, მოღალატეების, კორუმპირებულების და უბრალოდ გაუნათლებელი პირუტყვებისგან შემდგარი მთავრობის ღირსი კი არა, ამაზე უარესის ღირსები ვართ! რის უფლებასაც ვაძლევთ ზუსტად იმას გვიკეთებენ და საერთოდაც არ ეშინიათ შედეგების! ჩვენ ხომ ლაჩრების და უსაქმურების ერი გავხდით, ის დიდი ერი, რომელიც ვიყავით აღარ არსებობს! ერი რომელიც ვერც თურქებმა, ვერც მონღოლებმა და ვერც რუსებმა ვერ მოტეხეს საბოლოო ჯამში ისევ თავისიანებმა მოტეხეს, გააპარტახეს, სულში ჩაგვაფურთხეს და ჩვენ გავჩუმდით! მტერმა ისევ ჩვენიანის ხელით წაგვართვა ღირსება და ჩვენ გავჩუმდით, რადგან ერი ვართ, რომელსაც განვადებით გამოტანილი ”შმოტკა”, განვადებით გაკეთებული სპეც მანქანის ნომერი და ”პონტში” სიგარეტის მოწევა უფრო აღელვებს, ვიდრე ნამდვილი ღირებულებები. ადამიანობა აღარ გვაქვს! სწორედ იმის ღირსები ვართ რასაც გვიკეთებენ და უარესს დაიწყებენ მალე, ჩვენ ხომ მაინც ის ერი ვართ, რომელსაც საკუთარი კარის იქეთ არაფერი არ აღელვებს!
გულნატკენი ვარ, უიმედოდ ვარ დარჩენილი. მიყვარს ჩემი სამშობლო და მიყვარს ჩემი ხალხი, მაგრამ აღარაფერი გვეშველება! ერთმანეთს გვერდში აღარ ვუდგავართ! სხვისი უბედურება წამითაც კი აღარ გვაღელვებს! არაფერი აღარ გვაღელვებს! წადით ახლა და ჩაიცვით თქვენი განვადებით გმოტანილი ”შმოტკა”, დაჯექით თქვენს გაზზე გადაყვანილ ჯიპებში, მიდით ”პონტის” კაფეში, შეუკვეთეთ მხოლოდ ის რისი ფულიც გაქვთ სუნამდვილეში და ყავასა და სიგარეტზე განიხილეთ ეს თუ სხვა სტატუსი. არ ადგეთ და არ გამოხვიდეთ არასდროს სამართლიანიბის მხარდასაჭერად!
ვაი რომ არ ვარ სამშობლოში და წასული ვარ რადგან მეც უნდა ვიმუშაო და ჩემი საყვარელი და მრავალრიცხოვანი ოჯახი გამოვკვებო, თორე რა გამაჩერებდა სახლში! მე არავის იმედი აღარ მაქვს! მე მეგონა ჯერ კიდევ არ გადავგვარებულვართ! მეგონა რუსეთს ჯერ არ დავუმარცხებივართ! თურმე უკვე დაგვამარცხა და თანაც ისევ ჩვენიანს ჩაასობინა ლახვარი ზურგში!
ლოცვის გარდა არაფერი დამრჩენია! უფალო შენ უშველე საქართველოს და დაიფარე ჩვენი უღირსი ერი საკუთარი ხელით მიყენებული სასიკვდილო დარტყმისგან!!!“ – წერს რაჭველიშვილი.