არსებობს დღესასწაულები, რომლებიც ყველა ჩვენგანისთვის განსაკუთრებული მნიშვნელობის მატარებელია. ასეთ დროს არავინ აქცევს ყურადღებას საზოგადოებაში არსებულ განსხვავებეს. მთელი ერი აღდგომის ბრწყინვალე დღესასწაულის აღსანიშნავად ერთიანდება. “ქრისტე აღსდგა” – ეს არის სიტყვები, რომელსაც ნებისმიერი გამვლელისგან მოისმენთ, არ აქვს მნიშვნელობა იცნობთ თუ არა მას. უდიდესი ქრისტიანული დღესასწაული, რომელიც ახალი სტილით 4 აპრილსა და 8 მაისს შორის, ქრისტეს მკვდრეთით აღდგომასთან დაკავშირებით აღინიშნება, წელს ამ დღესასწაულს 17 აპრილს ვიზეიმებთ. ის 12 საუფლო დღესასწაულს შორის, ყველაზე მნიშვნელოვანია.