თორნიკე ყიფიანი წელს საქართველოს „ევროვიზიაზე“ წარადგენს. ის წინა წლის კონკურსანტი იყო, მაგრამ „პირველმა არხმა“, ზოგიერთი სხვა ქვეყნებისგან განსხვავებით, 2021 წელსაც იგივე მონაწილე დატოვა. როგორც მოგეხსენებათ, 2020 წელს კონკურსი პანდემიის გამო ვეღარ გაიმართა.
თორნიკემ ახალი სიმღერა You დაწერა, რომელსაც „ევროვიზიაზე“, 22 მაისს შეასრულებს.
ახლახან მან რიგით მეორე რეპეტიცია გაიარა. რეპეტიციის ამსახველი ვიდეო „ევროვიზიის“ ოფიციალურ „იუთუბ“-გვერდზე უკვე ატვირთულია.
ქართველ მონაწილეს ყველაზე დიდ ევროპულ მუსიკალურ ფორუმზე წარმატებას ვუსურვებთ.