ქართული მოდის სფეროს ხელშეწყობა, მისი განვითარება, ახალი სახელების აღმოჩენა და მათი პოპულარიზაცია. ამ მიზნების განხორციელებას, თბილისის მოდის კვირეული 14 სეზონია ემსახურება, რამაც ჩვენი ქვეყნის მოდის სფერო მნიშვნელოვნად გააფართოვა, ბიზნესად აქცია და იგი სხვადასხვა ქვეყნის ათობით საერთაშორისო გამოცემაში წარადგინა, ამ ყველაფერმა კი საქართველოს ცნობადობის გზარდას შეუწყო ხელი. ამჯერად კი თბილისი მეთხუთმეტე სეზონისთვის ემზადება, რომელიც 19 აპრილს გაიხსნება და 5 დღეს გასტანს.