მულტიფუნქციურ საკონცერტო დარბაზში “SPACEHALL” არაერთი ცნობილი და წარმატებული ატრისტი გვიხილავს. ამჯერად კი მის სცენაზე პროექტ მუზამეს ფარგლებში, კიდევ ერთ ბრიტანეთში დაბადებულ კანადელ ლეგენდარულ არტისტს, რიჩი ჰოტინს ვიხილავთ, რომლის სახელიც ლეიბლების PLUS8, MINUS და ონლაინ პორტალის Beatport დაარსებას უკავშირდება. 10-ზე მეტი სხვადასხვა პროექტისა და უამრავი რელიზის უკან დგას ადამიანი, რომელსაც The New York Times-მა “მსოფლიო მასშტაბით ელექტრონული საცეკვაო მუსიკის მთავარი ინტელექტუალური ძალა” უწოდა.